[الشاعر سعيد الفتلاوي]

هديّه الى مواكب التطبير

قصيدة / ثار الله الاكبر
.................................
.................................

حيدر حيدر حيدر

كل مَيهل عاشور نلطم ونْطَبر
لمصابك يحسين ياروح الكوثر

حيدر حيدر حيدر

...................

بْعاشورك يحسين واسينه الهادي – بْتطبير الهامات معروفه ابلادي

كبار اصغار اليوم تهتف وتْنادي – بالدم بايعناك واليومك نِثاَر

...................

بالدم هذا اليوم واسينه الزهره – والمدمع مدموم لمْصاب العتره

دموع تْهل ادموم والراس انطبره – لجلك يا مظلوم مدموم المنحر

...................

خسران الطاغوت والحارب اسمك – يحسين افديناك ظل خالد يومك

بالعالي يظل دوم ومْنوّر نجمك – يا صوت الاحرار باسمك نتْفاخر

...................

گبرك كعبه يْنور يتحده الظالم – وين الطاغي وين گبرك ظل سالم

سِرّ مْن الرحمان هالنور وْ دايم – كعبه تْشع انوار وتْقارع كل شَر

...................

يومك يا عاشور احزان الشيعه – الشاعر والرادود عالمنبر ينعه

كل اشرار الكون حزنك متْمنعه – يا نور الكرار والبدر الازهر

...................

رايات الاحرار ثارك مطلبها – ثارك كلها اتريد يا عز مذهبها

عالرايه الثوار بالدم تكتبها – للموت احنه اوياك ثار الله الاكبر


.............................
.............................

خادم اهل البيت ( ع )
الشاعر
سعيد الفتلاوي الطويرجاوي