عرض مشاركة واحدة

منذر الساعدي
عضو برونزي
رقم العضوية : 63953
الإنتساب : Jan 2011
المشاركات : 286
بمعدل : 0.06 يوميا

منذر الساعدي غير متصل

 عرض البوم صور منذر الساعدي

  مشاركة رقم : 1  
المنتدى : المنتدى الثقافي
Waz طير الذهب-الشاعر حسين الساعدي
قديم بتاريخ : 03-11-2013 الساعة : 11:53 AM


طير الذهب!!
حسين الساعدي
////////////////////
المستهل

طير الذهب مذبوح رَدوك اليه
يوليدي يا عطشان بالغاضريه
ياروحي زيدي النوح
طير الذهب مذبوح
يايمه ما رحموك ذول ال ميه
طير الذهب مذبوح ردوك اليه


//////////////////////////////////////////////////


يوليدي هاي العين ما تقبل اتنام
والمهد خالي اشلون يانور الايام
ترجع ينور العين دلالي محتام
طفوا ضواك اشلون وتسمو اسلام!

وبس الدمع مسموح
طير الذهب مذبوح
رايح يروح الروح من بين اديه
طير الذهب مذبوح ردوك اليه


//////////////////////////////////////////////



ياسلوة الأيام وينك يغالي
راحت ضحكتك وين جاوب سؤالي
وشيصبر الدلال وبهل ليالي
يوليدي حال الضيم لو تدري حالي

وأكضي العمر بالنوح
طير الذهب مذبوح

يغيابك الأحزان دارن عليه
طير الذهب مذبوح ردوك اليه

/////////////////////////////////////////////


تارك مكانك ليش يوليدي وينك
ومنين اجاك البين طفالي عينك!
حسبالي تكبر يوم واحضه ابحنينك
ما أدري حال الموت بيني اويه بينك

وبيك الكلب مجروح
طير الذهب مذبوح
روحي التضل للموت بعد سبيه
طير الذهب مذبوح ردوك اليه


//////////////////////////////////////////////


والمثلك ايذبحو ه والله عجيبه
ما صارت ابكل دين حاله غريبه!
ويساعد الله احسين وبهل مصيبه
يوليدي وبفركاك زايد نحيبه!!!

يابعد هاي الروح
طير الذهب مذبوح
طعنوا كلب كرار حامي الحميه
طير الذهب مذبوح ردوك اليه

/////////////////////////////////////////////

طير الذهب مذبوح رَدوك اليه
يوليدي يا عطشان بالغاضريه

ياروحي زيدي النوح
طير الذهب مذبوح

يايمه ما رحموك ذول ال ميه
طير الذهب مذبوح ردوك اليه

ااالساعدي


من مواضيع : منذر الساعدي 0 طير الذهب-الشاعر حسين الساعدي
0 لا تدهربهن عليه امدهربات-الشاعر حسين الساعدي
0 انطبر حامي الحمه!!الشاعر حسين الساعدي
0 الحيدر دمعة اعيوني-الشاعر حسين الساعدي
0 أهداء لميلاد الامام الحسن عليه السلام-الشاعر حسين الساعدي
رد مع اقتباس