(من الشعر الملمع)
كم سالَ منكمْ دَمُ =كم مرقدٍ هدَّموا= مَولايَ يابنَ الحسن
ياسيدي مَن لنا =والأرضُ ضاقت بِنا
مولاي يابن الحسن
***
إلك جم جبده مسمومه= وعندك جم كبر مهدوم
وبعد عندك يثار الله =جم عين التسيل ادموم
بقيعك تنتظر جيتك =من ذاك الوكت لليوم
وأول كبر ينتظرك =كبر المجتبى المسموم
تبكيهِ أهلُ السما = قبرٌ لهُ هُدَّما= مولاي يابن الحسن
جمرٌ بأكبادِنا =والارض ضاقت بنِا
مولاي يابن الحسن
***
ثاني كبر ينتظرك = عليه ازدادت الاحقاد
لأن قض كل مضاجعهم= بني تَيم وثمود وعاد
واجو للثار عطشانين =وِلِد آكّالة الأكباد
وهدموه إبمعاولهم = كبر جدك علي السجاد
قبرُ الّذي ذلّهمْ= من هَدمهِ ويلهُمْ =مولاي يابن الحسن
فالغيظُ في صدرِنا= والارضُ ضاقت بنا
مولاي يابن الحسن
***
وبعد يالمهدي ينتظرك= كبر متهدمه أركانه
إنتحب حته الجماد اعليه =من هدّموا بنيانه
كبر الباقر المظلوم= من هدموه عدوانه
تمادوا سيدي إبْغَيهم =والغَي طفح طغيانه
هذا ضريحُ الهُدى =قد هدّموهُ العِدا =مولاي يابن الحسن
نبكي على مجدِنا =والارض ضاقت بنا
مولاي يابن الحسن
***
يمن صبرك عله المعقول = جزه المعقول وتعدَّه
إلك جم ثار اليتانيك =وعندك بعد جم جبده
وبعد عندك كبر مهدوم= يكلّك طالت المُدّه
كبر الصادق المسموم =غيرك محّد إيشيده
تبكي عليهِ المَلا= والمجدُ ثم العُلا =مولاي يابن الحسين
فالجمرُ في صدرِنا= والارض ضاقت بنا
مولاي يابن الحسن
***
وبعد بارض البقيع اهناك =إلك خامس كبر هدموه
بني العباس يامولاي= بتراب الأرض ساووه
كبر أمّ البنين الّي =كمرها بكرله ذبحوه
بُغضاً بالوصي حيدر =وذر عالمشرعه كطعوه
القتلُ دينٌ لهمْ = أركانُهُ كُفرُهمْ= مولاي يابن الحسن
جاؤا إلى قتلِنا =والارض ضاقت بِنا
مولاي يابن الحسن
**
اجتمعوا كلهم إعْلينه = ابقتلنه اصدرت فتواهم
وقادوا حملة الإرهاب =وكل العالم اوياهم
بكل ساعه انفجار يصير =موت امطرو بلواهم
ماذلينه رغم الموت =شيعه احنه انتحدّاهم
أذنابُهـا جَـنَّدت =في كل شِبرٍ غَدَت
أشلاءُ أجسادِنا =والارضُ ضاقت بِنا
مولاي يابن الحسن
جثثنه اعله الارض صرعه=وذر متوذّره واشلاء
والّي تكفّلوا بينه=محميين بالخضراء
والاحزاب يامولاي=قِدد متفرقه وأجزاء
قسم باعتنه للسنه=وقسم تحكمنه بالأهواء
الشعبُ صارَ الثمن=تجري عليهِ المِحَن= مولاي يابن الحسن
قد فرَّقوا شَملنا=والارضُ ضاقت بِنا
ابو ياسر الكعبي