[تلميذة الحسين]

بس عيد العراق الفرح بيه مخنوك

معنى العيد فرحة وضحكت محبين
وجمعات الاطفال وبالطرف تلعب
معنى العيد ثوب اجديد
والاسود والحزن يتبدل وينذب
معنى العيد ابو يصبح عياله بشوك
ويطش الحنان بجيته لو طب
معنى العيد ام وخيمه فوك البيت
والعطشان منها من الدمع يشرب
معنى العيد اخو يصافح اخوة بطيب
وموال السوالف بالسمر يطرب
هذا العيد جان العيد هيج العيد
مو صوت الغراب على السلف ينعب
ولا دمعت يتامى وحسره بكل باب
تفطر اصدور اهلها وبالكلب تلهب
نشوف اعياد حلوه وللفرح عنوان
ونشم ريحت عطرها بالهوى لو هب
بس عيد العراق الفرح بيه مخنوك
صار اسنين من بير الحزن يشرب