[ابوتكتم الخير]

عندك حاجه يم القاسم انخاه

القاسم قاضي الحاجات تلكاه

اطلب منه شتريد ..... ينطي الحاجه بالأيد

القاسم قاضي الحاجات تلكاه

*************

عندك معظله وما الها حلال ...

لا تكصد طبيب وتصرف اموال

واكصد ارض سوره بدمع همال ...

وطب كبة القاسم تكضي بالحال

وصيح ابصوت يالحيد ... ينطي الحاجه بالأيد

القاسم قاضي الحاجات تلكاه

************

يل حالتك اثكيله ومعسره ...

انشد عن القاسم وين كبره

واعرف قصته وغربته وامره ...

وشنهو الي جره برض ابو خمره

أقسم كلبك يهيد ... ينطي الحاجه بالأيد

القاسم قاضي الحاجات تلكاه

************

الكاظم ابو طلبه وهذا ابنه ...

واحنه النه الفخر بسمه انتسبنه

وبجواره امان وخير شفنه ...

واهل القاسم يسمونه صرنه

ومن أخباره انزيد ... ينطي الحاجه بالأيد

القاسم قاضي الحاجات تلكاه

***********

رمت ازيارته وموصلت يمه ...

شير الكبته لو تذكر اسمه

اطلب منه وانته بعيد ذمه ...

يكظي حاجتك والزهره امه

انخاه وانته ابعيد ... ينطي الحاجه بالأيد

القاسم قاضي الحاجات تلكاه

***********

اطلب حاجتك منه وتزود ...

ماخايب رجع من عنده احد

وطَب الكبته والباري يشهد ...

القاسم ابن موسى وجده احمد

وصدك غيره ميفيد ... ينطي الحاجه بالأيد

القاسم قاضي الحاجات تلكاه

************

اقره ازيارته ابكلب ولسان ...

وطب الكبته وشم ريحة اجنان

وصيح ابصوت منك طالب احسان ...

يل شمار عن جيرِانك الدان

يل بالغربه اوحيد .. ينطي الحاجه بالأيد

القاسم قاضي الحاجات تلكاه

*******************

قاسم طاهر القاسمي ( 15 / جمادي 1)