عرض مشاركة واحدة

الشاعر الغريب
عضو متواجد
رقم العضوية : 77535
الإنتساب : Mar 2013
المشاركات : 116
بمعدل : 0.03 يوميا

الشاعر الغريب غير متصل

 عرض البوم صور الشاعر الغريب

  مشاركة رقم : 1  
المنتدى : المنتدى الثقافي
افتراضي خدامك يابو اليمه
قديم بتاريخ : 04-03-2013 الساعة : 11:24 AM


بسم الله الرحمن الرحيم

اللهم صل على محمد وال محمد الطيبين الطاهرين

القصيده التاليه من وزن الميمر ونســالكم الدعاء







خدامك يابو اليمه **** بروح ودمه نفداك

للخدمه الحسينيه ***** كل احنه فدائيه

بروح ودمه نفداك
******************************

انته الكلت كلا ولا للطغـــــــــيان

ويوم اطلعت لا مفسد ولا بطران

طالبت بالحق والعل والاحسـان

لولاك لا دين البقه ولا قـــــران

والهالسبب خدامك ***** ما تمل من ذكراك

يالثورتك دينيه **** للحق وللحريه

بروح ودمه نفداك

**************************

كلشي التملكه للشرع قدمته

ودين النبي بأطهر دمه ثبته

ونحر المقدس للجليل انذرته

ومحد تحده الطاغيه بس انته

يرخصلك كل الغالي ***** يرخص لجل عيناك

متخوفنه عدوانك ***** يحسين احنه قربانك

بروح ودمه نفداك

*********************

هالخدمه مو بس بالاسم والصوره

نرويهه من نهر الدمه المنحوره

وصوت الدمه خل العده مذعوره

وكفاتنه بسوح الشرف مشهوره

شما صار وبعد يجري ***** لا والله ما ننساك

يامه ويامه فجرونه ***** ما كدرو يلاوونه

بروح ودمه نفداك

**************************

بالخدمه كل هاذي الخدم تتباهه

تاج بخدمتك سيدي البـــسناهه

والروح لجلك والدمه انذرناهه

وكل العده بهالخدمه نتحداهه

نقسم ما ننسه مصابك ***** طول العمر وياك

من حبك ما نتخله ***** والموت بحبك يحله

بروح ودمه نفداك

**************************

عدنه عهد ما ننسه يوم امصابك

وما ننسه عباس الوفي واحبابك

نتمنه هالخدمه تصـــــــــير ابابك

وكل ساعه نشتمه ونقبل اعتابك

دنيه واخره شتسوه ***** ما تسوه بلياك

يحسين بضمانرنه ***** صحنه بيك امنه

بروح ودمه نفداك

***********************

انته الوسيله والشرف والغايه

ما ترتفع لوما دماك الرايـــــه

نبقه بطريقك سيدي مشايـــــه

ونبقه العهدنه بالدمه وفايـــه

رغم الناصب واعوانه *** نبقيده نمشي بممشاك

نتحده اللي عادونه ***** فنهم مره يلاكونه

بروح ودمه نفداك

*****************


من مواضيع : الشاعر الغريب 0 تفجيرات اليوم
0 ام تتصل بأبنها
0 العجيبه
0 الخطاب الشيعي للنواصب
0 لاهل التفجير اقول
التعديل الأخير تم بواسطة الشاعر الغريب ; 04-03-2013 الساعة 11:27 AM. سبب آخر: اضافة نقطه

رد مع اقتباس