[الشاعر الغريب]

صبـــــــــــر العقيله وتحية الشرف


بسم الله الرحمن الرحيم

اللهم صل على محمد وال محمد الطيبين الطاهرين

اللهم احفظ ضريح الطاهره زينب عليها السلام من شر الناصبين والمجرمين


محتاره البشر من صبر اخت عباس**لان صبرت عله الادهه وامر واصعب

مدري منين مولاتي اسولف بيج** ولجلج هالشعر بس يلطــم وينــحب

ماظن فد نبي شاف الذي شفتيه ** شفتي اطهر جسد من هدمه يتسلب

انتي للصبر وبكل فخر عنوان ** وامــيره بكل شرف للـــخدر تتلقــب

من صبرج خجل يوسف خجل يعقوب**وصبرهم ذره من صبـرج ميتقــرب

وتاريخ الصبر واكفلج استعداد ** واخذ اشــرف تحيه وانـحنه وحـدب

سلامون خوذ تحيه من الملك باجلال** للحره العقيله الطاهره زينــــــب

ونوه عباس ياخذلج تحيه شلون ** جفوفه مكطعه بهالموقف تعــــــــذب

رفع نهر الفرات وصاغ منه جفوف ** واخذلج هالتحيه بدمه المخضـب