[امير الاعسم]

بسم الله الرحمن الرحيم
اليوم جبتلكم ابوذيات للشاعر خادم اهل البيت محمد الاعسم


رجال الشرف غذاهه ... وعده
لحسين بدمة وفت ... وعده
تعيد الناس بالفرحة ... وعده
بظهر عاشور بارض الغاظرية
..................................

منهو اللي مثل عابس ... تجره
عريان ودمع عينة ... تجرة
يصيح وجدمة للحومة ... تجرة
مجنون اصبحت بابن الزچية
.................................................. ..............

خبر ماجاك بضمانه ... علاماك
دگوم وخل يرف بالطف ... علاماك
بيك ادري يبو فاضل علاماك
طيب طالع وذاتك وفيه
انه الماعين الي تهجع ... والي راح
چثيره هموم دلالي ... والي راح
راحة منين تلفيني... والي راح
چم بدر من اعد بالغاظرية
ــــــــــــــــــــــــــــــــــــــــــــــــــ ـــــــــــــــــــــــــــ

الك شيعة وصفت بچفوف ......... عدلاك
وعده البي تعــــــد أيام ............. عدلاك
تريد اليوم يوم البــــيه ............ عدلاك
يملي الأرض ويزيل الأذية
.................................................. ..
للودك نذل ينسب .......... تهم له
العدل يابو العدل يمته ...... تهم له
چذب من گال ضلع امك ......تهم له
واله مضخور من حامي الحمية
ــــــــــــــــــــــــــــــــــــــــــــــــــ ـــــــــــــــــ
الروح بحب علي قسمت ....... يمنه
وهو البالحشر يحضر .......... يمنه
اليماني انحمل نعشه من ....... يمنه
وصه بدفنه يم حامي الحمية
ــــــــــــــــــــــــــــــــــــــــــــــــــ ـــــــــــــــــــــــ
منازل حيدرة ماحد ........ بلغه
ولصروح الشرك دمر .....بلغه
والي اعله آمته اتنصب ...... بلغه
طه وبأمر رب البرية
.................................................. ....
عجيبة اسرارك المحد ........... يحله
طلبتي من الله والشخصك ........ يحله
يگلول الشدد ياعبدي ........ ال يحله
بس حيدر علي حامي الحمية
ــــــــــــــــــــــــــــــــــــــــــــــــــ ـــــــــــ
عله شخص البتول اشر ..... وآومه
عالم گال عدوهه ............وآومه
بنته بضعته روحة ........ وآومه
سماهه النبي سيد البرية

انتطر ردودكم