[قاسم حتروش]

شال جـــوده وصارمة وشال العلم
نيـّـته عبـــــاس يرويهـــــــا الحرم
*********
حسين ينظر وجـــــــه عباس الكمر
شاف عـــرك الهاشمي بوجهه سِعَرْ
نشــــــــد مـــن عباس خويه مالخبر
حجيلي يــــا عباس يا راعي الشيم
***********
رد أبــــــو النوماس راعي ألمرجله
ضاك صــــدري خويه ميلمني الفله
وصيّت أمـــــــــي كبال عيني ماثله
أرد أجــــــرد صارمي وأنهي الزلم
***********
شلون يـــــا عباس يــــــا كرة العين
لورحت يــــــــا خويه أبقه بلا معين
وأنت سور حمــــــاي والسد الأمين
وأنت لحميــت وتحامــــــــي للحرم
**********
يبو أليمــــــــــه صاح سبع الكنطره
خويه لجلك نــــــــــار كلبي موجره
صوله وحــــــده اليوم أنهي الفاجره
هاي لا تمتلك ديــــــــــــن ولا رحم
********
إذاً يـــــــــــا عباس ناوي عل رحيل
هاي سكنه ذاب مـــــــن عدها الدليل
والعيال أتصيـــــــــــح وينك يالجفيل
جيب مـــــــاي لعيلتك وأزكي الحرم
************
شال جوده ونــــزل صوب ألمشرعه
وشاهــــــد صفوف العـــــدة متجمعه
صوله وحــــده صال والجيش أكطعه
وملك للماي ونــــزل بحـــــــر الكرم
**********
ملك جـــــــرف الماي كشاف الكرب
وذكـــر جبد حسين ذاك اللي أنعطب
غرف غرفة مـــــاي لا كن ما شرب
وترس جوده وطلـــــــع كاصد للخيم
**********
مله جـــــــــــوده وعينه تنظر للخيام
وجان همه المــــــــاي يوصل للأيتام
وترتوي أطفال ونسه أهــــل الإسلام
لا كـــــن ألقربـــــه انصابت بالسهم
**********
أنصابة ألقربه وأبـــــــو فاضل زعل
وأنفجـــــــر بركان أبــــن خير العمل
وزلـــــــزل ألبيـــــداء بالجيش البطل
ومــــا سلم من سيفه بس اللي أنهزم


بقلمي
خادم الأطهار ( ع )
قاسم حتروش