[زكي الياسري]

قصيدة علي الاكبر عليه السلام .. أول ابطال الهواشم الذين نزلوا الى المعركة

اهدي ثواب هذه الابيات اليكم و الى امواتكم و اموات شيعة امير المؤمنين المنسيين من لا ذاكر لهم يذكرهم و اسألكم الدعاء


شد حيل يا مَـوت علي الاكبــر نِزل
1
يا موت شد حيل على ارگـاب العده
راويها يا موت عدل طعم الــــــرده
هذا علي گام حربهــــــــــم مگصده
و ابئيده صمصام بطـــل و الله بطل
شد حيل يا مَـوت علي الاكبــر نِزل
2
صد كَوم ياموت علـي طـب حومته
و الهاي والله مُنيتــــــــــه و رادته
حيّاه حيّـــاه شِعلهـــــــا ابغيـــــرته
چن علي الكرار حِصن خيبــر دخل
شد حيل يــا مَـوت علي الاكبر نِزل
3
يا موت ويـاه إخــــــذ جولــــة فخر
ميثنـَـنـّي مغـوار اذا شــــــد او طبر
صنديد صنديــد شبل فـــارس مضر
أستاذه عبّـاس علــي الاكبــــر فحل
شد حيل يا مَـوت علـي الاكبر نِـزل
4
يا موت شد حيل علـــي الأكبر جهز
فارس بلا خوف علـــه الحومه برز
وبصوت صدّاح تقــــدّم و ارتجـــــز
چن حومته اعروس يخاطبهه بغزل
شِد حيل يا مَـوت علي الاكبـــر نِزل
5
شد حيل ياموت شبيـــــه المصطفه
و آلآف الجمـوع مُحـــــــال اتخوفه
واعدهه بالمَــوت و اذا واعـــد وفه
هلعاد حملات علي بحــرب الجمَـــل
شد حيل يا مَـوت علــي الاكبر نِزل
6
شد حيل يا موت يحـِــز روس الزلم
صمصام بتــَار جمعهــــم ما يــِهــــم
بالصار ما صار أظـــن عنـــدك علم
چن نحله والروس يسامِع من عسل
شد حيل يا مَـوت علـي الاكبـــر نِزل
زكي الياسري النجفي
16/11/2012