[عيمي كويتي]

اشكرج اختي على هل موضوع

من زمان ما دخلت المنتدى فدخلت اشوف شنو اليديد الي فيه شدني موضوعج و قلت خل اشوف شنو محتواه

الي عرفته انج تقارنين الغزو العراقي على الكويت بالثورة البحرينيه

راح اتكلم بكثر ما اقدر باخنصار

اول شي اقول الله يكون بعون كل مظلوم بيوم القيامه راح يكون وسام فخر للمظلوم لانه الله راح ياخذ بحقه و ثاره
سوا كان بحريني كويتي عراقي سعودي او اي انسان

احب اشارك بهل موضوع علشان ابين نقطه المسلسل ساهر الليل تقدرين تقولين 10% من الي صار بالكويت حطوه 90 % ماحطوه غلط انج تاخذين معلومات من مسلسل
اما المقاره بين الكويت و البحرين و شنو صار بالكويت و شنو يصير بالبحرين

احب اقول انه الاثنين انظلمو و تعذبو بس الكويت ذاقت اشيا البحرين ماذاقته

و راح اذكر الاشيا الي الكويت ذاقته و الاشيا الي صارت بالغزو و انتي تقدرين تقارنين

1 اول شي موضوع الخيانه و الغدر الخارجيه من العراقيين (طبعا مو كل العراقين الي كانو متشاركين ) الكويت ساعدت العراق بشكل كبير على حربها مع ايران مو موضوعنا اذا الكويت كانت الي تسويه صح ولا غلط بس هذه مو عذر يخلي الانسان يغدر و يخون بالي يساعده هل فعل فعل الانجاس الي ماعنده ذرة شرف و الخيانه الداخليه (من بعض الجنسيات العربيه مثل الفلسطينين) الفلسطينين الي كانو عايشين بالكويت كانو يشتغلون باماكن حساسه فلمن الجيش العراقي دش الكويت الفلسطينين (مو كلهم) ساعدو العراقين بتحديد اماكن الناس مثل يروح حق المسل العراقي و يقوله فلان ولد فلان يشتغل هل كذا وظيفة و ساكن بهل كذا منطقه و العراقين يصيدون فيهم عن طريق الفلسطينين و غيرهم الي ساعدو العراقين

2 صدام ( من الجيش العراقي + بعض من العراقين المدنين ) الي دخلو الكويت قعدو فيها 7 اشهر اختي بهل 7 اشهر عشرات الالاف انقتلو و تعذبو وتضررو و اخذوهم اسري اما من ناحية القتل فكانو بعد ما يعذبون الكويتين يودونهم جدام بيته جدام اهله و يطلقون رصاصه براسه اعدام طبعا هذه نوع من انواع القتل فيه الحرق فيه الشنق فيه التعذيب لي الموت و غيره و غيره , اما بالنسبة بالتعذيب فكانو يشلعون اعيون الي يعذبونه و اهو حي او يشلعون اضافر ايده او يشلعون اسنانه او يقطعون من اعضاءه و اهو حي بالنسبه للحريم فكانو يغتصبون بعض النسا و بعد ما يغتصبون منهم يقطعون من اعظاءهم يعذبونهم و يذبحونهم و يرمونهم , بالنسبه للاسرى لي هذه اليوم فيه اسرى مفقودين مايندري اذا كانو عايشين او ميتي و الاسر كانو بالالاف . اخر ايام الغزو كان الجيش العراقي يخطف اي واحد يشوفه بالشارع .و غير بوق العراقين للمتلكات الكويتين من السيارات و غيرها

بالنسبه للاقتصاد صدام امر انه يدمر اكثر من الف بئر نفط هل شي ادى لي حرق 727 بئر تدرين اختي شنو نتيجته نتيجته غيمه من السموم غطت عل سما الكويت وصلت هل غيمه من السموم لي الصين و الهند اختي اذا كانو يرمونكم بالقنابل مسيل الدموع الكويتين ماكانو يشوفون الشمس من الدخان و السموم الي سببه جيش صدام

اما الخسائر الماديه الي كان سببها حرق 727 بئر كانت الكويت تخسر 120 مليون دولار يوميا و اطفو الابار 240 يوم تثدرين تحسبينها شذكرة كانت الخساير الماديه على الكويت من النفط فقط .



هذه كله صار في 7 اشهر و طبعا هذه باختصار شديد بالي صار بالكويت

فاختي راي انا مافيه وجه مقارنه لا بالعذاب ولا بالخساير الي الكويت ذاقته


لي رد ثاني انشا الله