عظم الله لكم الأجر بأستشهاد أمير المؤمنين عليه السلام
حب وشوك ونار دموع .... يا حيدر وأيتام تلوع
حب وحنين ال شوفتك .... نوح ودموع ال غيبتك
ياحيدر ويتام تلوع
***************
حبك حيدر بينا إتأصل ... يجري بدمنه وشوكك أجمل
منهـج حبـك إلـنه المنهل .... غيرك حيدر لا مـا نقـبـل
إنت الأخـر إنتـه الأول ...... بعلـومك كل ميت يعـدل
بحبـك هـذا الـدين إتكمل ... ويكفـر عـنـك مـن يتحـول
يمتمم أركان الدين ... بحبك شافت نور العين
أصل الأصول ولايتك ... نوح ودموع ال غـيبتك
****************
بعـدك يتـامـه إتـيـتـمت ... يـاحـيدر ونـاس إنسـبت
دم ودمـع كـل عـيـن جـرت .... و الله أكـبر رددت
مذهوله لمحرابك إجت ... تلوع وعلى الراس إلطمت
هـول إمـصابك ماصدكت.... مولاها إتشوفه إنشـدت
شنهو الجره شنهوصار .... ينصاب براسه الكرار
وتتخضب بدم شيبتك .... نوح ودموع ال غيبتك
****************
حبك نور ودين ورحمه .... يا حيدر إل هاي الأمه
حبك يجري الشيعي بدمه ... مـن والده أغـله وإمـه
بشوكك ذاب وشوكك لمه ... ريح الجنه بحبك شمه
عنوانه أصبح حبك وإسمه ... شيكول العاذل ميهمه
ياحب يربط روح بروح .... ياحب بحبك مسموح
حب الأطايب عترتك .... نوح ودموع ال غيبتك
**********
نوح العاشك رمز إل حبه .... حبك حيدر نور دربه
سم السيف ونار الغربه ..... تسعر بيه وتحرك كـلبه
أظلـم محرابك شيطبـه ... مـن بعدك يا حيدر صعبـه
والأصعب من ذيج الضربه ... دمك بالمحراب إتصبه
ياهو المثلك كلي إنصاب .... وهو يصلي بالمحراب
وتتعفر بدم جبهتك ... نوح ودموع ال غـيبتمك
***********
صابك سيف الظالم تعبد .... بمحرابك للخالق تسجـد
السيف براسك وإنته تمجـد.... فزت ورب الكعبه تردد
والمـولـد بالكعـبه المولـد .... وبالمسجد حيدر تسـتشـهد
مـن حـقـنـه نحبـك ونوحـد ..... ونغـالـي بحبـك ونـردد
حـيدر حـيدر والمعـبود .... بالـجـنـه الـحـبـك مـوعـود
وكاس الجنان أبيمنتك .... نوح ودموع ال غـيبتك
ــــــــــــــــــــــــــــــــــــــــــــــــــ ـــــــــــــــ
ابوتكتم الخير
قاسم طاهر القاسمي
12 / رمضان