[قاسم حتروش]

كاظم ألغيض إلك تجــــــري عيوني
***********
يا أمام الحق يـــــــــــــا نبض الحياة
يلي خلاك العلــــــــــــي باب النجاة
أبد مــــــــــــــــا أتخله عنك للممات
حتى لو مــــــــن أجل حبك وذروني
**********
أنت شرع الله يغالــــــــي والأصول
وبيدك الباري جعل كـــــــل الحلول
وبابكم باب الكـــــــــــرم يبن البتول
ويمها لو أنه أندبت مـــــــا تردوني
**********
أنت منهاج ألآله وبـــــــــــــي أسير
وأنت مولاي ونعـــــــم مولى وأمير
وبيك يسهل سيدي كــــل شي عسير
وخلي هاي الناس كلهــم يسمعوني
**********
خلي تسمعني العــــــــواذل والحقود
وهـــــــذا صوتي للنواصب واليهود
عن دربكم لا أبد لا مــــــــــــا أحود
وما يهمني سيدي لــــــــو فجروني
*********
أنتو واحد مــــــــــن محمد للي غاب
نفس وحده وكلب واحـــــــد والكتاب
ولهذا السبب بيكم كلبــــــــــــي ذاب
ولو أجه يوم الحشــر أنتو تحموني
**********
الليلة لمصابك نــــدب كلبي الحزين
وصاح ويه فاطمــــــــة بنت الأمين
بهظم وبلوعة يــــــــــــــون للمتقين
وياي هــــذا الجمع كلهم شاركوني
**********
حضر هــذا الجمع ويعزي الرسول
يواسي أمــــه فاطمة ألزهره البتول
وللرضا يعزي أبـــــن فحـل الفحول
أدري يوصلكم عزانــه وتسمعوني
***********
بكلب دامي نندبه الـــــرب السماء
بجاه موسى أبن جعفـــر هل مساء
يعجل الباري بأمـــر راعي العزاء
ألينهي كل هاي ألعده اللي كفروني

بقلمي
خادم الأطهار (ع)
قاسم حتروش