[ام الدنيا]

بصوا يا جماعة طبعا كلنا بنشترى كروكيت البطاطس اللى محشو بالمشروم والسادة وكل انواعة
انا بقة بعملة فى البيت وزى اللى بتشترية بالظبط
بصوا ببساطة جدا
نصف كيلو بطاطس مسلوقة ومهروسة كويس جدا
وبنضيف عليها ملح وفلفل ابيض ومفص ثوم مفروم ناعم وملعقة كبيرة بقسماط مطحون ناعم
بعد كدة عاوزاها سادة هتستخميها كدة
لو عاوزاها محشية بتحضرى حشوتك
وبتاخدى جزء جزء ونصبعة زى الكفتة بالظبط بس الفرق اننا نعمل فتحة فى النصف نضع الحشو بها ونكمل لفها مثل الاصابع
الخطوة اللى بعد كدة الغلافة
بصوا بقة
هنحضر بيض ممزوج بحليب ومتبل ملح وفلفل
ودقيق
وبقسماط مطحون ناعم
ونعمل اية بقة
ناخد اصبع من اللى لفناة ونضعة بالدقيق وبعدين فى الحليب وبعدين فى البقسماط وعلى الزيت الساخن وكملى لحد ما الكمية تخلص
جربوها وقولولى الاخبار

[