[قوافي الأيثار]

يمن سر الله عندك = عليك بنحر جدك
~~~~~~~
يالهادي النقي يا عــــــــــــــــــــــــــــــــــــــاشر العتره = لمصابك تضــــــــــــــــــل نيران متوجره
جرحك بالـﮕلب يا سيدي شكبره = مثل ﭼبد الحسن متوذره ﭼبدك
~~~~~~~
يا سر الوجود وحجــــــــــــــــــــــــــــة البــــــــــــــــاري = مدمعنه يضل لمصيبتك جاري
احلفك بالنحـــــــــــــــر تمحيـــــــــــــــــــلي اوزاري = خادمكم أنه يبن النبي وعبدك
~~~~~~~
أجيتك سيدي تهميلك أدموعي = وعله امصابك تشب نيران بضلوعي
أمان وحضرتك بيها سكن روعي = متأمل رضاك وعطفك ووّدك
~~~~~~~
بتاريخ المجد مشهـــــــــــــــــوده اخبارك = يا شمس العلم ما غابت انوارك
لسامره زحف متعنــــــــــــــــــيه زوارك = تزورك سيدي وتجدد لعهدك
~~~~~~~
برايات ومواكب تــﮕطع الـــــوادي = وتلطم عالصدر مفجوعه وتنادي
كل احنه فدائك يا علي الهادي = ظلمه وموحشه هالدنيه من بعدك
~~~~~~~
هاي مصيبتك بيها الجرح جرحين = مسموم ورحت يبن الشهيد حسين
وجرح لــﮕبتك ينزف يضل والدين = متيتم صبح يالهادي أبفـــﮕدك
~~~~~~~
الهدموا مرقدك كل غيره ماعدهم = باﭼـــــــــــــــــر بالقيامه النار موعدهم
عقيدتهم حقد والجهــــــــل قائدهم = مثل يوم الطفوف اتحزبوا ضدك
~~~~~~~
بسمك ترتفع يالهـــــــــــــــــــــــــــــــــادي رايتنه = وبحبك تضل معقـــــــــــــــــــــــــــــــــــوده نيتنه
يبن المرتضى وانتم عقيــــــــــــــــــــــــــدتنه = تظل عالي وابد ما ينحجب مجدك
~~~~~~~
ونسألكم الدعاء
عمار جبار خضير
2012