[سيد عقيل العوادي]

بصوت الالم نادينه

كبرك ليش مهدمينه

....................................

يلحسن ياراعي الجود

فيض احسانك ما محدود

صوتك بينه يظل موجود

خالد وي دمع اسكينه

.................................

احرار ونبقه انصار

وجم طاغوت البينه احتار

من اجلك نمشي عللنار

نار الحب ما تجوينه

.....................................

حبك عايش ويانه

وجف احسانك روّانه

احنه اجنودك مولانه

ونرفع بيرغ مهدينه

.............................

يلحسن نبقه احنه وياك

ننسه الروح وما ننساك

هاي الشيعه اظل بحماك

بالمحشر اتنجينه

...............................

ما ننسه يبن الاطياب

ضلع الزهره ويوم الباب

وطبرة حيدر بالمحراب

ويظل سمّــك ياذينه

...................................

يلحسن احنه مقصرين

اعذرنه يا نور العين

اثــّر بينه مصاب حسين

والعباس وجفينه

.......................................

يلحسن زينب بالشام

مسبيه بأيد الظــّـلام

والسجاد الما ينضام

بالسلسله مكيدينه

................................

يلحسن كبرك هدموه

وكل شيعي عنك منعوه

والحبك كافر سمـّــوه

ومن الحقد ملينه

....................................

خلها النواصب تسمع

فتوى انريد من المرجع

ما يلحك الها اليفزع

وينه الراد ايعادينه

.............................................

الخادم الامام الحسين عليه السلام
السيد عقيل العواد