[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ســـــــــــــــــــــــــر الزهـــــــــــــــــــــــــراء
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
سر إودعه الباري عِلَـــه بيهــا === أم الحســـــن منهو اليدانيهــــا
ــــــــ
سر إودَعَه الرحمن بالزهــــره == محّد عُرف طول الدهر أمْرَه
كُل مَنْ ذكرها إينال من أجْرَه == طــــه النبــــي أحمدنه هاديها
ـــــ
أمها خديجه هالصدﮒ ظَنْها == أخْيَــر نِسَه بالكون وَلْدَنْها
نور النبي يظهر زهَر منْهـــا == هذا الضُوَه من فاطمه البيها
ــــــ
هاذي البتول الكلمّتْ أمهـــــــا == من عالم الأرحام ﭼـــن يَمْها
مثل النبي عيسى نطُق فَمْها == الله التِكَفــــــّل دوم يحميهـــــــا
ـــــــ
مخلوقه فاطم من شذى الجنّه == هذا العُطر طه يشم منّه
كُل مَنْ يشم عُطر السمه إتهنّه == كُل مَنْ يريد الخير ياتيها
ــــــ
نزلتْ حواري غسلت الفاطم == ماي الغُسل من السمه قادم
بضعةْ محمد صاغها العالم == كُل الصفات إبزود تحويها
ــــــــ
بطْهَر ثياب الطاهره إلّفَتْ == الله وفاها العالمه الصبرتْ
بيها الشفاعه للمُحب ظهرتْ == كُل مَنْ يحبها إيفوز تاليها
ــــــ
يوم الحشر منها الوفه إنّاله == من النبي وأهل الكرم آله
يوم الحشر كُل واحد إبحاله == بس المُحب ينظر معاليها

ــــــــــــــــــــــــــــــــــــــــــــــــــ ــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld43715437.mp3.html