[الركابي هاني]

بهاليوم هذا العلي حي مرضعه وحيدره
نصبه الباري ولي والميت والحي درا
وصا الولايه العلي طه الحجي حيدره
كال الي بكلبه هوى الرب الجلاله ولي
خل يلتزم بالفتى هذا من بعدي ولي
طلك الدنيا وزمخ يادنيا عني ولي
مابين النجووم حيدر بالخلايق بدر
ليل ومطرز ذهب مصيوغ كله بدر
معروف يابى الحسن تشهدله وكفت بدر
امضى من السيوف وابشط من نصله وحد
من قبل الارحام بالذر للجلاله وحد
صولات اله حيدره تشهده بدر واحد
الما يؤمن بكل هذن بشعارنا خندكه
نجلب بياخته ونجره من خندكه
عمر ابن ود من هتف يوم العبر خندكه
ويصيح ماكو زلم في هالجمع خيبرا
ياهو التصده أوكف ولركبته خيبرا
ياهو الي مرحب شطر ياهو القلع خيبرا
الباب سوى جسر عبروا عليه صفين
كل الخلايق علي بالمعجره صفن
محتاج اسولف بعد واشرح حرب صفين
كرار شنوصفه بكل الشعر والجمل
رغم التامر بقى والامته والجمل
والله لو ما المره وحمارها والجمل
امة محمد علت والحادي ضل حيدر
تحياتي هاني الركابي