بسم الله الرحمن الرحيم
اللهم صل على محمد وآل محمد وعجل فرجهم
ما أوفـــــاهــــــــــــــــا
ــــــــــــــــــــــــــــــــــــــــــــــــــ ــــــــــــــــــــــــــــ
إنطَتْ إولاد ما أوْفاها === أم العبّاس ما نِِنْساها
ــــــــــــــــــــــــــــــــــــــــــــــــــ ــــــــــــــــــــــــــــــ
يازاير بقيع الخير لاتنْسَـــه == زور أم البنين إو سلّم إبهمسه
ما تگدر تمس تُربتها بالخِلسَـــــه == تشاهد واحد يمنعك رِدي إبرجسه
ذوله الأرجاس يم تُربتها == ينهون الناس عن شوفتهــا
منهم شتمات نتلگاهــــــا == أم العبّاس ما نِِنْساهــــــــــا
ــــــ
هاي أم البنين الماوصل حَدْها == بالحسرات لجل إحسين ساعدها
إنطَتْ أربعه إو هذا الأمل عدها == من دخلــــــت على أولاد سيدهــــا
أم الطيبات صارت فرقـد == تخدم إولاد زهرة أحمد
والخدمه إبشوگ تِتْمنّاها == أم العبّاس ما نِِنْساهـــا
ــــــــــ
هاي أم البنين الرضعت الأبناء == حــب إحسين رادت توفي الزهراء
يفدون النفس لو نزلـــــت الأرزاء == وفوا أمهم غدوا بالطف ضحايا أشلاء
ذوله الأولاد صاحت فدوه == لجل الأسلام صاروا قدوه
صاروا رايات تِتْرجّاهــــا == أم العبّاس ما نِِنْساهـــــــا
ـــــ
إذا عندك طلب إنخاها يامهموم == مو باب الحوايج صارت إبكُل يوم
مفتوح المُضيف إو ما تسدّه دوم == وسيلـــــه للألــــه إم الوفـــــه المعلوم
صارت مفتاح والكُل شـدّه == ينخاها الراد يوصل حدّه
تنطي الحاجات من تنخاها == أم العبّاس ما نِِنْساهـــــا
ــــــــ
ينبوع الوفه الفاض إو جره إبخيره == هــــاي أم البنين الگاصـــــد إتجيـــــره
تذوب إهموم عندك ما تظل حيره == تعيش إبشـــــوگ ما معروف تفسيره
إم العباس إگصد ليهــــا == من الرحمن عزّه البيها
عزّه إو إخلاص نِتْعنّاها == أم العبّاس ما نِِنْساهــــا
ــــــــ
على إم البنين اليوم نجري إدمــوع == نواسي حيدره إو صوت الحزن مسموع
مشت عنّه النقيّه البلوفه ينبوع == إجـــــــت ليكم يحيدر والگلب مفجوع
بيها الحسرات نار إو تسعر == من يوم إحسين راح الأزهر
وإدموع إتسيل من بلواهـــا == أم العبّاس ما نِِنْساهـــــــــا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=99676e5255