[رياض الرسل]

هذه القصيده كتبتها ليلة امس

واحب ان اضعها هنا للبركه

وللقصيده بقيه ان شاءالله





************************







عـالشريـعـه مـن وگـف سلطـانـها

بسيفـه عـبـاس ويـهـز اركـانـهـا

*****************


بسـيـفــه هــز اركــانهــا لـمـن گـــرب

لعـد صوب المـشـرعه ودلهـم غــضب

عـيـونـه تجدح نــار والشوف انحجـب

وچـنـهـا صارت زلـزلــه بـأكــــوانهــا

*********************

چنها صارت زلـزلـه بوادي الطـفـوف

من بــرز عـبـاس والــوادم اصفـــوف

كلها طشرهـــا رغــم ذيــچ الالـــــوف

وصار بــيــده المـشــرعـــه سكانـهـــا

*********************

وگف فوگ المشرعه وصارمه يجـول

ويحــز بـرگـاب العـــده وبيهم يصـول

اني ابـن حـيـــدر علي فحـل الفـحــول

صاح خـل تسـمع بني ســفــيــانـهــــا

*************************

صاح خـل تسمع وتـعـــرف نــيــتــي

اعــداي وبــروحي اضحي الخــوتـي

بـيـدي صارم بـيـدي رايه وجـربـتـي

لازم امـلــيــهــا الفـخــر نسـوانـهــا

*********************

لازم امـلـيـهــا وارد صــوب الخــيـم

وعــد مـنـطـي وقــاسم الـزينب قسم

الماي اجيبه و اروي اطـفـال وحـرم

رغــم نــار المعــركـــه ودخــانــهـــا

******************

هــزهــا رايــة حيدره البيده اعـتلـت

والجيـوش اگــبالـه كلها اتبسمـــرت

گـام يحــصــد والـرگـاب اتطـشـــرت

عـلـى الـگــاع وفــارگــت ابـــدانهــا

**********************

فـارگـت ابــدانهــا الــروس وتطــيــر

مـن يـكـر عـبـاسهــا وبـيـهــم يغـيــر

المــوت حتماً حـصـته وأسوء مصيـر

اليحـصده بسـيـفــه فـخـر عـدنـانهــا

*************************

هــذا حـالـه اليـوصل الحــده الكـفـيـل

مــايــرد سـالــم ابــــد لا مـسـتحـيــل

على الشاطي اغـضب وخله الصهيـل

يوصل الچــبــد السـمـه وعــنــانهـــا

*************************

خـلـه كـل ارگـابـهــم تـحـــت الـلـــوه

وشرب سيفه من الـدمه حـد مـرتـوه

ومن غضب عباس سد حتى الهـــوه

عالشريعه امـن انـفـجــر بــركانهــــا

*************************

امــن انـفـجـر بــركـانهـا مـا تنحـمـل

گــامــت الگــاع وتـبــدد كـل شــمــل

سوايـه سـوه يشيـب من عدها الطفل

حـيــن جـنـدل عـالارض فــرسانهـــا

************************

حــين جــندلهــا ولـعــب بيهـم لعـــب

وخله كل فــرسانـهــا اتـيــه الـــدرب

صاح ابـو فاضل فـلا يصعــب صعـب

اعـلـيـه من بــيـهم احـط نيشانـهــــا

***********************

راح احــط نيـشـان بـيـهــم لـلابــــــد

وعـد من عـندي ويعـرفـون الـوعـــد

لأن يــدرونـــي ابــــــن ذاك الاســــد

مــو مـثــل مـن عــاشت بخـــذلانـهـا

************************

ابـقـه ابـن فـخــر العـرب والمسلمين

الـعـلـه شــانــه الباري رب العالميـن

يعـنـي ابــن حــيــدر اميــر المؤمنين

وانـتــو ابــن ذاك الابــد مــاصانهـــا

**********************

فــرق بـيـنـي وبـيـنـكـم كلش چـبـيـــر

انتـو واحــدكــم صلـف عـاش واجـيـر

باچـر احنه انشوف منهــو البل اخيـر

يـفــوز لــو ضل يسطـلـي بـنـيـرانـها

*************************

و ردت المعـركه و دارت من جــديـد

ينادي من يحصد بعـد هـل من مـزيـد

مـنـو الـيــربـح يتضح بـاچــر اكــيــد

وبــاچــر أيـبـين مـنـو الخـسـرانـهــا

*******************

زم بـديـه رايته وطب وسط الجـمـع

وصاح والكل هـابـتـه ولـيـه تستمع

بـاب خـيـبـر بـيـد ابـويــه تـنـقـلـــع

و لــو الـف خـيـبـر ادك بــيـبـانهــا

********************

صال صولة حـيــدره بعــز وفـخـــر

وچنه ملچ الموت بيهــم من ظــفــر

براحـتـه العـبـاس طب وسط النهــر

بعــد ماكـلـهـا الـتـوت ذرعــانهـــــا

*******************

مـن دخـل عـبـاس وسط المشرعـه

نـار حـس وسط الــدلـيـل اتـلـوعـه

ماشرب والغــيــره چـانـت تمنـعــه

وبسمه هالغـيـره صفــت عـنـوانها

******************

بسمـه سجـلـهــــا الاخــوه الـنـادره

عـالـنـهــر مـن طـاح واتلگـه الثره

ماوگــع عــبــاس لــو مـتـحـاصـره

الگـوم وتغــدره بعـدد شيـطـانـهــا

**********************

هــذا حـال الضحــه للخـوه النـفـــس

يصـيـر بالخـوه مثـال الـنـه و درس

وانظـر العـباس بــاقي وچـالـشمـس

شـامـخـه الگـبـه ويشـــع بنـيـانـهــا

*********************

شوف بنيـان العـلـيـه بـاقـي ويشــع

امگابـل حسين بشمـوخـه وبـالطبـع

حسين والعـبـاس مــن حـيـدر فـرع

حي اصـلها وحي فـرع اغـصــانهـا

**********************

اگـصــد الـعـبـاس انـتـه بحـاجـتـــك

مـايـردك حـاشــه واطـلـب طـلـبـتـك

وحـلـفـه بـالحـره وسبيها ودمعـتـك

ايحس عزيزه اعليه ويعرف شانها

*******************




وان شاء الله للقصيده بقيه

سوف انزلها كامله في حالة نهايتها




خادمكم

رياض الرسل