[Nakheel_Aliraq]

الاقسام الثلاث عبر هذا الرابط


99999999999999999999999999999999999999999999999999 99

http://www.alkarar.net/vb/showthread.php?t=4243

السلام عليكم
الجزء الثالث
بعد ماخلص الفلم الهندي نطت مريم من فوق الكرسي إلى الأرض بقوة ،،
هدى وندى كانــوا قاعدين يدرسون الرياضيات وياكلون أجباس وعصائر و هالاكلات اللي يحبونها البنات ...
هدى بعصبية هيييييييييييي إنتي يالخبلة .. شفيج جدي ناطة ,, خرعتيني
ندى : أي شكلها شمت ريحة الأكــل وجاتنا ههههههههههه
هدى وندى يضحكون عليها ههههههههههههه
مريم : انتوا يالسبلان ثنتيكم تطنزون علييي هاا لكن صبروا عليي...
أخذت روسهم وراقعتهم في بعض وأخذت الأكل منهم وراح تركض في الصالة
هدى وندى : آآآآآآآآآآآآخ راسي
مريم وهي تراكض وتضحك عليهم : جان فيكم شدة تعالــوا ياعيال البوبر تعالوا هههههههههههههههههه ويووووووووو
هدى بعصبية والشرار يتطاير منها قامت وهي ماسكة راسها سحبت يد ندى بقوة : يالله ندوووي .. يالله قومي قومي نطيح فيها ضرب
وتموا يركضون وراها وهي تضحك ،، بعد مامسكوها طاحوا فيها ضرب
مريم : أمممممممممم ،، ضربوا براحتكم أهم شيء أكلت الأكل كله عنكم هههههههه
*-*-*-*-*-*-*-*
الساعة الحين 12 بالليل
يوم الجمعة ، 22/9/2006
لم يكن هناك شيءٌ يفسر نظرة التعاسة والحزن المرسومة في عينيها ،، هاقد حـل المساء وساد الصمت أرجاء المكـان ,، وقفت أمــام نافذة حجرتها والآهات تحرقها وعبراتٌ تعتصرها ألمـاً، أخذت تنظــرُ للسماءِ شاكيةً لدهــرٍ طلبتهُ أن ينصفها فرد عليها بظلم أضجرها ،،
أخذت تتذكـر أيامها الحلــوة التي عاشتها مع محبوبها محمد وها هي قطرات المطر تتهامر بغزارة لتبلل ما تبقى من ذكرياتٍ جميلة ، واختلطت دموعــها بقطرات المطــر ،،وامتلأ شعرها الحرير بمــاء المطــر ،،
أغلقت نافذة حجرتها وألقت بنفسها على السرير ،،وأخذت تبكي بحرقة ,, أمسكت بهاتفها النقال وأخذت تدير بأصابعها الأرقام لعلها تجدُ من تتصل بــه ليخفف عنها ألمـها ..
فتذكرت صديقتها نوال فقررت أن ترسلَ لها مسج لعلها تردُ عليها باتصال أو بمسج يخفف عنها ولو القليل..
فطرشت هالمسج لنوال :
من غدر الأيام جيتك كارهن نفسي
ولو قلت وش فيك؟؟
بكيت وقلت
"محتاجك أبيك"
نوال شافت المسج ،، فمباشرة وبدون أي تردد دخلت حجرتها وحاولت تتصل في شجن كذا مرة بس ماكانت شجن ترفع التلفون ،، فطرشت لها هالمسج:
هلا شجونه حبيبيتي أدري فيج متضايقه ومحتاجتني بهالوقت بس ماودج ترفعين التلفزن وأسمعج تبجين صح ؟؟
نزلت دمعة من عين شجن عندما قرأت مسج نوال وردت عليها بهالمسج :
هلا حبيبتي نوال .. سامحيني لاني ماارفع التلفون والله بودي تكونين معاي بهاللحظة ,, محتاجتج ومحتاجة وجودج معاي أكثر من قبل ..
نوال :
تذكري إن لكِ صديقة وأخت موجودة ،، متــى إحتجتها فهي جاهزة في كل وقت..
قولي لي شاللي مضايقنج وآنا عيوني لج ..
شجن :
تسلم لي عيونج يااغلى صديقة ,, أنا ماادري شنو كنت بسوي لو لاج ،، بس أنا محتاجة افضفض عن اللي بقلبي ،، حاسه إني مشتاقه إله ولبسمته وسوالفه ،، ليش ابتعد عني !! .. ليش 
نوال بعد مافتحت مسج شجن وشافته إعتصر قلبها ألماً وحزنـاً للحال اللي وصلت ليه صديقتها وحبيبتها وتوأم روحها شجن فردت عليها بمسج بسيط لعله يخفف عليها ألمها:
لاتضايقي روحج شجونه و تذكري الله ، وكـون متفائلة ،، وأعلمي إن كل شيء قضاء وقدر وقد يكون هذا قدرك وصلاح إليك ..
شجن :
بس يانوال آنا ماعمري ضايقته وكنت أبدي رضاه على رضاي .. ليش بعد ما تعلقت فيه راح وخلاني بروحي..
نوال:
عزيزتي شجونه كوني قوية مثل ما عهدناكِ وتفائلي بالخير بتلاقينه إن شاء الله وخــلي إيمانج برب العالمين كبير .. ولاتقولي أنج بروحج ترى أزعل عليج .. آنا وين رحت هااا يالدبة ..خلاص مااحاجيش 
شجن:
لا نواالوه لاتزعلي منــي ،، ومايهمش كلامي تراني مضايقه وأقول كلام ماأثمنه ،، أنتي معاي دائماً ماعمرش حسستيني إنش غريبة عني دائمـاً تشاركيني فرحي وحزني وبوجودش عمري ماحسيت إني ماعندي أخت من أمي وأبوي ،، عسى الله يخليش لي يارب ،، بس آنا محتاجة للإنسان اللي حبيته حاسه إنه بغيابه صارت حياتي بلا معنى .. كل طريق أمشيه مظلم ودووم متشائمة وخايفه ..
نوال:
شجن اوعديني أنج ماراح تيئسي ،، ولا تنكسرين من أول مصيبة تصيبك ،، وتذكري إن الله موجود ومصير الظالم يجيه يوم ويدور الزمن عليه وينظلم من شخص ظـالم مثله .. ومصيره راح يرد لج وأنتي اللي بتعيفينه ومصيره راح يندم لأنه كان عمي لحظة اللي فكــر فيها ينساج أو يبتعد عن أحلــى وأرق ملاك بهالكون ،،
يالله أبتسمي وكوني وردة متفائلة،، تتعلم من تجاربها اللي تمـر فيها وتتحداها بكل قوة وثبات ..والحين قومي غسلي وجهش وقرأي لج شوي من سور القرآن الكريم أو دعاء علشان يخفف عليج ترى الصياح ماراح يؤدي لنتيجة إن شاء الله بكرة نلتقي بالجامعة وأظل يمج وتفضفضي لي وترتاحي أوكــي ..
شجن :
تسلمين لي يا أغلى وأعز صديقة ماأدري بدونش شلون أقدر أعيش فديتج والله ، يالله الحين أخليج حبيبتي وعذراً على الإزعاج وتصبحين على خير وغداً نلتقي إن شاء الله ..
نوال:
لا إزعاج ولا شيء إحنا لبعض بأي وقت ، ولو ماوقفت وياج أوقف مع من ،، وأنتي من أهل الخير حبيبتي ،، ديري بالج على بنفسج وسي يوو باجر..
سكرت تلفونها وأخذت دُش بارد ونامت والدمعة على خدهـا،،
*-*-*-*
قراءة ممتعة إن شاء الله
وإن شاء الله تعجبكم وألقى تشجيع أكثر

قصه مرسله لكم من الاخت حنين وشوك

http://www.alkarar.net/vb/showthread.php?t=4243



http://www.alkarar.net/vb/showthread...5730#post35730