منتديات أنا شيعـي العالمية - عرض مشاركة واحدة

Nakheel_Aliraq · بتاريخ : 15-07-2007 الساعة : 05:31 AM

أهلاً وسهلاً

الجــزء الثـاني

دمعت عيون مريم وهي تشوف الفيلم وقالت : واااااااي على هالممثل يهبل صج رومانسي
ضحكوا عليها هدى وندى
هدى: أقص إيدي إذا مو شايفتنه من قبل
مريم : أأأأأف وأنتي شعليج ,, سكتي عني وخليني أطالع الفلم
ندى : قومي راجعي معانا مابقى إلا يومين على إمتحان الرياضيات
مريم : أووووووووهو ,, لاتعكرون مزاجي وخلو المراجعه لأهلها أنــي بطالع هالفلم ،، شكله البطل بيقتل اللي خطفوا حبيبته ..
هدى : يالله خذ ،، وانتي يالخذايه مصدقه هالقصة ولا و مندمجة بعد وياهم ،، لاحول الله صج هندية ،، والله احد عاقل يطالع فلم هندي ويصيح هههههههههههههههههه ، الحمد لله والشكــر..
مريم وبنظرة حادة : بتجوزين عنــي لو أقوم أكفخش
هدى : إتخسين الا انتين تكفخيني بعد ،، يالرومانسية ههههههههه
مريم مدت بوزها شبرين يازعم زعلانه ..

ندى وهدى يضحكون عليها ..
ندى: مريووم ترى مايناسبج الزعل كلش هههههههههههههه

*-*-*-*-*-*-*-*
في الجامعة :

شجن وهي تشاهق من كثر البجي : نوال أنــا إنتهيت .. أنا ضاع الأمل عندي.. أسودت الحياة بعيني ..
نوال وباستغراب : ليش تقولين هالكلام ؟ أنتي اللي عرفناها بالمرح والقلب الحنون واللي ضحكتها بلسم لكل مجروح .. أنتي اللي تقولين هالكلام ؟؟
- طيب ليش تقولين جدي شنو صاير خلاج تفقدين الأمل..؟؟
شجن :ماادري شنو أقول لج .. أخاف اتكلم وتاخذي فكــرة موحلــوة عني..وأخاف أسكت وأمــوت من القهر..
نوال: تكلمي .. قولــي كل اللي بخاطرج ولاتفكرين في يوم إني راح أغير فكـرتي عنج أبداً لو شنو يصــير ..
شجن: راح أقول لج كل القصة للنهاية ,, ولاتقاطعيني وخليني أنتهي بعدين علقي على الموضوع ونصحيني ..
نوال وبصدر رحب وبإبتسامه خفيفة مسكت كتف شجن : ولايهمج ياأغلــى مااملك ،، كلي آذان صاغية ..
شجن وبعبرة مخنوقة وآهه حارة تخترق صدرها : نوال آنــا اللي ماكنت أؤيد فكرة أن البنت تحب شاب و كنت دائماً أفضل إن البنت تحب الشاب بعد الزواج يكون أفضل ،، بس للأسف في يوم من الأيام تعرفت على شاب كان ملتزم ، إسمه محمد شاب عاش حياته يتم الأب ، بسمة هي الأخت الوحيدة لمحمد وهي تصغره بسنه واحده بس وعمرها 23 سنة ..
كان أسلوبه حــلو ولبق معاي ومع الأيام صرت مااقدر يمر علي يوم ومااكلمه بالمسنجر ،، ومرة من المرات جاني وهو طاير من الفرح وهو يقول بودي أقول لج شيء بس مستحي وخايف من ردة فعلج

http://www.alkarar.net/vb/showthread...5730#post35730
يتبع