منتديات أنا شيعـي العالمية - عرض مشاركة واحدة

Nakheel_Aliraq · بتاريخ : 15-07-2007 الساعة : 05:30 AM

أهلاَ وسهلاً
الجزء الأول
الأم :شجن شجن قومي الحين صارت الساعة سبع وأنتي للحين نايمه يلا قومي اتاخرتي عن الجامعة
نوال تستناج تحت لاتعطلينها
شجن: اوووووووووووه يمه ابي اناام مابي اروح الجامعه ،، تعبااااانة فيني نومة
الام :يابنتي يلا قومي بلا دلع ،، محد قال لج سهري طول الليل دامج تعرفين ان بكرة عليش جامعة
شجن فتحت عيونها تشوف أمها واقفة على راسها معصبة ..
- صباح الخير يمه وهي تتثاوب ..
- صباح الخير يابنيتي ، يالله سرعي نوال تنتظرج بالسياره تحت
- ان شاء الله يمه بس اقوم اغسل وجهي واصلي ،، قولي لها تدخل تقعد بالصالة دقايق وبكون جاهزة .
باست راس امها وفزت من السرير بسرعه علشان ماتتاخر وتعصب عليها نوال ..
وبعد ربع ساعة نزلــت شجن وهي تتخايل وتبتسم خوفاً من نوال
شجن بنت حلــوة ،، بشرتها سمراء على عكس نوال ذات البشرة البيضاء ،، ولكن شجن كانت ملامحها حلــوة وطفوليه وكانت أحــلى من نوال ،، بس عقدتها انها شوي دبدوبه ، شعرها يوصل لظهرها طويل وأسود ،، شجن معروفه بابتسامتها الحلوة اللي لمن يشوف ابتسامتها ينسى انه زعلان عليها
المهم بعد مانزلت شجن وركبوا السياره في طريقهم للجامعه
نوال بعصبية : جان بعد تاخرتي أكثر يالدبة
شجن وبكل هدوء :مسامحة يالبرفسوره تأخرنا عليج
نوال وبعصبية :أأأأأأأف يابروده اعصابج هذي اللي بترفع ضغطي
شجن وهي تضحك هههه شسوي بعد مااروم أعصب عليج على قولت خواتنا الاماراتيين
نوال ضحكت على شجن وطقتها على كتفها
ولمن وصلوا للجامعه راحوا بسرعة لأنهم اتاخروا على المحاضرة ، وصلو السكشن والحمد لله ماكان الدكتور موجود
وفي المحاضرة والاستاذ يشرح والكل منتبه عليه شنو يقول ماعدا شجن اللي كانت سرحــانة وماتدري شنو يقول الاستاذ ..
إنتبهت لها نوال وضربتها بقوة
نوال: هــي إنتي ياعبلة قيس وين رحتي ..! هااا انتبهي لايصيدج الدكتور سرحانه
شجن ولا هما نوال نزلت راسها على الطاولة تحاول تخفي ملامح الالم اللي في وجهها عن نوال ونزلت دمعة سريعة من عيونها
نوال انتبهت لشجن بس ماحاولت تضايقها وقالت بعد المحاضرة راح تحاول تعرف شنو فيها وشاللي مضايقنها لهالدرجة ومخلنها سرحــانه عن المحاضرة
وبعد المحاضرة راحو في الاستراحة يرتاحون على مايجي وقت محاضرتهم الثانيه ، وكانت شجن ساكته وسرحانه طول الوقت ، نوال خافت عليها أول مرة تشوف صديقة عمرها في هالحالة
نوال إلمحت دمعة مخنوقة بعين شجن فزاد خوفها عليها ،، تقربت منها وضمتها لصدرها : خير شجوونه شفيج عسى ماشــر ليش كل هالحزن والكآبة اللي على وجهش ..؟
- تخبين عن صديقتج وحبيبتج نواال ،، افا بس أفــا ماهقيتها منج
شجن رفعت راسها وهي تطالع نوال بس ماقدرت تتكلم ولا بكلمة ، دفنت راسها بحجر نوال وتمت تصيح
نوال ماقدرت تتحمل انقبض قلبها بقوة لمن شافت شجن في هالحالة والدمعة هلت من عيونها وحست الدنيا تدور فيها ،،
-شجن حبيبتي شفيج تراش طيحتي قلبي ،، مااقدر أشوفج بهالحالة ،، وهي تبجي بقوة ارجوش ياشجن لاتخليني اتم بحيره وقلبي يتقطع عليج
اسكتت شوي ،، شجن يعني ماراح تتكلمين والله حرام عليج اللي تسوينه في نفسج واللي تسوينه فيني ارجوش ياشجن لاتعذبيني اكثر قولي لي شنو فيش؟ وشاللي مضايقج انا اختج قبل لااكون صديقتج
شجن رفعت راسها ومدت يدها لتمسح دموع نوال وابتسمت ابتسامه مملوءة ألم وحسره وهي تقول : خلاص يانوال ماعاد فيني اتحمل اكثر ،، انا محتاجتج تكوني جنبي ،، محتاجة انش تمسحين دمعتي تنسيني همــي .. انا يانوال ............
وقامت تبجي وماقدرت تواصل كلامها
نوال : أي انتي شنو ..؟ واصلي ياشجن أنا اسمعج
أتمنى إنها تعجبكم

يتبع

http://www.alkarar.net/vb/showthread...5730#post35730