عندي إعتاب ويه إمي ...... أريد أتعاتب وياها
*******
أريد أتعاتب وياها ..... خل باب اللحد مفتوح
وكلها حبيبه يالزهره ... من بعدج لفاني النوح
عدمن يمه عفتيني .... مو إنتي الكلب والروح
شلون أنظر ييمه الباب .... وعليها دمه الأحباب
*********
بهيده يالتصبن ماي..... بالله من تغسلنها
من أمي الضلع مكسور.... وخافنجن تلجمنها
ونابت بالضلع بسمار ...... وخافنجن تأذنها
بهيده بالله عل الزهره ... ضلعها ماجبر كسره
*********
أغسلها أنه بدمعات ..... عيوني ونحب إعليها
وكلها يم حسن وحسين ..... زينب كومي ودعيها
أحلفج بضلج المكسور .... بضلعج يمه ضميها
وحجيلي شجره بالباب ..... حبيبه وضلج من إنصاب
*****************
ييمه من وكع بالباب ..... محسن يمه إشكلتي
وبضلعج نبت بسمار.....ييمه عليمن إندهتي
توجيتي على البسمار .....ومحسن بيدج إحضنتي
ييمه إحمرت عيونج .... عكب جدي يضربونج
*********
إكعدي بالله يم حسين ..... وخليني أعددهن
الباب وضربة المحراب .... وسم الحسن إبسدهن
سهام النبتن بكلبي .... أنه بسدج أوسدهن
يفاطم عددي ويياي ... صبتهن علي دنياي
********
وجرح ظل يدي يحنينه ..... أظننج تعرفينه
طف حسين والعباس .... تمنيتج تحضرينه
وخيمنه وجرت بالنار .... ييمه وأوجرو بينه
دارج ونتي بي حركو .... ييمه بالخيم عادو
ابوتكتم الخير
قاسم طاهر القاسمي (7/ربيع الأخر/ 1433)