[ابوكرار الفرطوسي]

اللهم صل وسلم على محمد واله الطيبين الطاهرين

صَلَاوات


هادينا هادينا
من نَوَر اعلينه

هليلة دنيانا ابفرح مسرورة-صلاوات
نور الحبيب اليوم هل ابنوره-صلاوات
عاد الامل لينه
من نَوَر اعلينه

---

زيدوا الصلاة اليوم وبهل ذِكره-صلاوات
على الحبيب المصطفى والعتره-صلاوات
واولهم الوالي علي والزهره-صلاوات
السبطين هنوهم ابهاي البُشره-صلاوات
الاسلام مر بينه
من نَوَر اعلينه

----

اَطهر بشر مولود هاي الليله-صلاوات
اسمه مُحمد والفرح نهديله-صلاوات
العاداه ياويله والف يا ويله-صلاوات
احله الشموع ابمولده انضويله-صلاوات
تزهي ابصوانينه
من نَوَر اعلينه

----
اليوم الشفاعه انولدت ابميلاده-صلاوات
اليوم الاساس انبنه الكل الساده -صلاوات
اشتاقت الجنة وتنتظر ميعاده-صلاوات
مرجع الامة البيه تشيد القاده-صلاوات
بالفرحة صلينه
من نَوَر اعلينه