[احمد الحلو الكربلائي]

السلام عليكم ورحمة الله وبركاته

انقل لكم هذه القصة الحقيقية التي حصلت مع احد خدمة الامام الحسين عليه السلام

يروي لي السيد الوالد انه كان احد الساده من الاقارب يقول رايت البارحه رؤيا جميله
فقلت كيف عرفت انها جميله فقال كاني في المنام الطم على الامام الحسين عليه السلام
واقول ثلاث كلمات فقط فقلت مولانا ماهي الكلمات قال كنت اردد هذه (امدد ومسلبين اهدومه)
قذهي في اليوم الثاني الى احد الاصدقاء وهو احد شعراء اهل البيت عليهم السلام فقال هل تستطيع ان تنظم قصيده عليها فقال انشاء الله
وفعلا كتب على ضوء المستهل واليكم القصيده على شكل لطميه

**********************

امدد ومسلبين اهدومه ركن الدين بهاي الحومه
ياحيدر موكافي النومه شوف حسين وشوف علومه

***********
شوف العباس اعلى الكاع والاكبر بيه جم طبره
شوف القاسم يامولاي والاصحاب اعلى الغبره
شوف شصار اعلى العيله والزينب شوف شيجرى
وزادت عالسجاد همومه
امدد ومسلبين اهدومه
********
ياحيدر تدري باعدائك يطلبونك ثار بصفين
ويطلبونك دم اباهم بدر وخندق وبحنين
وفو هالثارات وزادو وستوفوها بدم حسين
والراس برمح المشئومه
امدد ومسلبين اهدومه
**********
ياحيدر لوتدري بزينب مسبيه امن الطف للشام
والسجاد وياها وتدري مهدوم الحيل ومينام
واطفالك عطشانه تنادي الساقيها المفضوخ الهام
وسكينه اتصيح وكلثومه
امدد ومسلبين اهدومه
**********
شانذكر بالطف يا حيدر مانكدر نحصي الي صار
شنسولفلك يابو اليمه غدرو بحسين الاشرار
وخيم حسين واطفاله حركوها بنار الفجار
عاين للعيله المظلومه
امدد ومسلبين اهدومه
**********
بحبكم ياحيدر نتفاخر ونتجاوز بيه الكلفات
ميهمنا بحبكم كل يجري وماهمنا الحاضر والفات
كلشي الكم يرخص ياغالي ياحاضر كل الشدات
لحسينك موحلوه النومه
امدد ومسلبين اهدومه
***********