يــا صاحب الزمان **** بــغـيــابــك الأمان
راح وسدر *** عشنه بكدر *** والهم والبلاء
**************
يبن الحسن لمــّـــن غبت يـــــــــا لغالي
عشنه بغيابك سيدي بـــــــــــــــلا والي
تأمّر علينه كل بغي مــــــــــــــــن تالي
بــــــــلا رحمة صب حقده عله الموالي
عل شيعة كل حين **** هــــذا الحقد دفين
بكلبه أنفجر *** عشنه بكدر *** والهم والبلاء
**************
جــــــم لوعه شفنه بغيبتك جــــم منظر
وجـــــــــم دعي اللي بينه حكم وتأمــّر
يـــــــــا هو أليجي مثل اللي كبله وأقذر
بـنـفـس الأحكــــــام ألجايره يـتـبـخـتـر
والدينـــك الحنيف **** ينتهكه كل ضعيف
ألشرعك نحر *** عشنه بكدر *** والهم والبلاء
**************
شكد جور مـــــــن هاي الطغاة حملنه
وصبرنه عل هــــــم والأذى وماهمنه
مــــــن أجــــــــل جيتك سيدي تحملنه
ونـتـنـطــّــر اليــــــوم أليجي ويجمعنه
وننجمع من جديد **** وألـسـنـتـــك تعيد
تنهي الغدر *** عشنه بكدر *** والهم والبلاء
*************
نـبـقـه أنـتـنـطـر جـيـتـك لا مــــن مـل
شما صار بينه شما يصير مـــــن الذل
صبرنه وحملنه ونحتمل كـل شي يحل
ونعرف بشخصك سيدي عنــــده الحل
هـــذا الخبر أكيد **** مــــن جدك العميد
يبن الغرر *** عشنه بكدر *** والهم والبلاء
**************
عشنه بعسر يــــــــــــا سيدي بغيابك
وهذا الجمع هــــل الليلة يطرق بابك
يمته تهــــــــــــل بطلعتك وأصحابك
وتنجي يــــــــــــا مولاي كل أحبابك
وتصفي كـــــــل أجير **** وينتهي كل عسير
تزيل الخطر *** عشنه بكدر *** والهم والبلاء
**************
كل الأمم تـتـنـطـّــرك وتــّــــــــاني
ونعرف المنقذ مـــا كو غيرك ثاني
مهما يطول ويـبـتــعــــــــــد زماني
بس شخصك اللـــــي يحقق الأماني
وتحقق المــــــراد **** يـــــا كعبة العباد
الكل البشر *** عشنه بكدر *** والهم والبلاء
بقلمي
خادمكم
قاسم عباس حتروش