[فرقة احباب الزهراء]

يالكاصد تزور احسين ياميت هله ابملكاك


اقبلني الك خادم ومااكصر وحك عيناك

يالكاصد لبو السجاد فدوه اروح الجدامك


اسمع صوتي يازاير انه وربعي خدامك


هذا الزاد هذا الماي وافرش روحي كدامك


ولتضني امل فد يوم بس اشرالي بيمناك

تفرحني يهل الزاير حين التكبل اعليه


واكلك كول وامرني يالجيتك شرف ليه


احير انه شقدملك واكلون هذا اشويه


وريت الموت يلفيني لو اقصر انه وياك

عيني اعله الدرب تربي تنتضرك يهالمحبوب


بالحر والبرد تلكه صيواني الك منصوب


ونار ادلالي ماتطفه فنجاني الك مصبوب


وتدري دمعتي كبلي ترحب بيك تتلكاك

مامره منعني الخوف ولاتفجير اليضدون


ولاهمني حجي الايم والكالوا علي مجنون


ابلفهه اوكف انتضرك يالزاير وانه ممنون


اولوشفتك انه امن بعيد اكول الباري الي وداك

لوتوصل يهالزاير يم احسين واتشوفه


كله خادمك مولاي روحه ليك ملهوفه


وضل يخدم ابزوارك وتاج الخدمه ميعوفه


وقبلي ضريح حسين يالزاير انه اترجاك