[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

سلطـــــــــــــــان الرضــــــــــــــــا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
سلطان الرضا معروفه أمجاده == هنّوا فاطمه هاليوم ميلاده
ــــــــــــــــــــــــــــــــــــــــــ
هنّوا فاطمه والمرتضه حيدر == هنّوا المصطفه والكاظم إو جعفر
هذا الكون من طيب الولي إتعطّر == نبعه هاشميه والعلي راده
ـــــــ
ثامن من أئمة بيت هادينه == طاهر بيه شيمه زايده إو زينه
نهواه الرضا نفرح لجل عينه == والكاظم فرح بِبْنَه الرضا إو ناده
ـــــــ
فرض حب الرضا من الله بالقرآن == سفينه للنجاة إو للمُحب عنوان
يشع نور الرضا من خالق الأكوان == علم عنده وسيع إو فاض بِسْناده
ـــــــ
أبو إمحمد حُوَه كُل العلوم إو صار == عَلَم للناس عالي إو موطن الأبرار
كُل مَنْ حاور الزاكي رجع محتار == كُل مَنْ نال منّه حصّل إمراده
ــــــ
رحمه من إله الكون مولانه == سطع نور الرضا هاليوم غطّانه
كنز عنده إبن موسى إو عله شانه == صرح للطب أبو إمحمد علي شاده
ــــــــ
قلب الطاهره تكْتُم فرح وإرتاح == من ولدت علي المهيوب نوره لاح
والأرض أشرقت بالنور والقدّاح == فوّاح العطر من الرضا إتهاده
ـــــــ
كُل حاير إيشوف إبنور والينه == يمشي إو يهتدي إبعلم الرضا إو دينه
علي يضوي درب خير المُحبّينه == شهامه إو عز إبن موسى العلي زاده
ــــــــ
قرآن إو نطق إبن التقي الكاظم == مولانه الرضا من الرجس سالم
نبعه إمن النبي والزاكيه فاطم == بستان الرضا فوّاح بَوْراده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldo8n74237.mp3.html