[بسام الشلاه]

الإمام الحسين وخطاب الليل


الطفله العليله



& & & & &


إسهر يَنجم الليـل ويَّـه العليلـه ..... والدهه آنه اوصيك لاتغفه ليله
سفرنه يطـول وتنـوح لغيابـي ..... أخـاف تـﮕول ﭼـاويـن أحبابـي


& & & & &

يَـنـجـم الْبِـسِـمـه يلـبـضـوه يـلـمـع
إلـك أرفـع خطابـي يانَجـم وإسـمـع
أنا حسين اللي من دار الوطن أطلع
وطن جدي أودعـه بنايحـه ومدمـع
ينجم الليل اريد اوصيك فـلا تجـزع
على دمعـه ووصيـه خلنـه نتـوادع


حين اطلعت مهموم طفله اتركتها ..... بالهم بـﮕت هاليوم مـن ودعتهـا
ينجـم الليـل هـاك اسمـع اخطابـي ..... أخــاف تـﮕول ﭼـاويــن أحـبـابـي


& & & & &


ينجم الليل أخبرك وآنـه أجـري المـوح
عـن احـوال العليلـه والحـزن والـنـوح
عزيزة روحي هالطفله ودوه المجروح
يلنـهـا يانـجـم سكـنـت خـلايـا الــروح
ضوه عيوني وهي شمع بسمايه تلوح
غصـب عنـي أودعهـا بـﮕلـب مذبـوح


جفن ويودع عين هذا آنه حالي ..... طفله وتظل مابين سود الليالي
الدمـع مخنـوﮒ مابيـن اهدابـي ..... أخـاف تـﮕول ﭼـاويـن أحبـابـي


& & & & &


عليـلـه وعالهـضـم ماظـنـي تتحـمـل
وغصنها من السهـر والنايحـه يذبـل
علـى وجنتهـا ثــوب اللـيـل يتفـصـل
وتظل مرسومه عدها صورة المحمل
علـى محملنـه تصفـن وبقهـر تـسـأل
شسبب عافوني ولاوين الضعن يرحل


بهمهـا تظـل بالداريكـثـر هضمـهـا ..... هالطفله بالأعبار تحـﭽـي ويه همها
أبويـه شـلـون ماحـسـب احسـابـي ..... أخـــاف تـﮕول ﭼـاويـــن أحـبـابـي



& & & & &


أنشـدك يانجـم ويَّـه العليلـه اسهـر
واريــدك ماتغـيـب وعنـهـا تتـأخـر
ترافـﮕـها بسهرهـا لنهـا مـاتـﮕدر
على الضيم وهضم دنياها من تكثر
علـى رجـوة أمـل هالطفلـه تتصبـر
وعلى ملـﮕـه أهلها بحسـره تتنطـر


تبـﮕـه بـﮕلب مصيوب وترافـﮓ الهم ..... شمعتهـا وسفـه تـذوب محنيـه بالـغـم
بعتبـهـا اتصـيـح مارحـمـوا اصـوابـي ..... أخــــاف تـﮕول ﭼـاويـــــن أحـبــابــي


& & & & &


ينجـم الليـل العليلـه حـﮕـهـا مـن تــذوب
افْـْﮕِـدت ريع العمر وتمرمـرت ﭼم دوب
على نجوم السمـه تشبـح نظرهـا نـوب
وتناشد نوب على درب الضعن ياصوب
حزينه وبالحزن جـارت حـزن يـعـﮕـوب
ولا يصبـر مثلهـا عْـلـه الــفـﮕد أيــوب


طفله وضعيفة حال الله شصبرها ..... صبر ويهد اجبـال فايـض قهرهـا
بحزنهـا تعـيـش تنـحـب يغيـابـي ..... أخــاف تـﮕول ﭼـاويــن أحبـابـي


& & & & &


تظل هالطفله تدعي البـاري المعبـود
إلاهـي ادعيتـك اترجـه لعـزي ايـعـود
برجه المهضوم انادي ياعظيم الجود
ترد روحـي لـون حسيـن ايـرد اردود
بعد فـﮕـد الأهل عشت بليالي السـود
يربي وهاذي نجمات الليالـي شهـود


تدعي بدمع مخنوﮒ وتناجي ربها ..... وتحن حنيـن النـوﮒ ذايـب ﮔلبهـا
ينجـم ويـاك جيـت اكـتـب اكتـابـي ..... أخــاف تـﮕول ﭼـاويـــن أحـبـابـي



& & & & &


أبوكرارالأحسائي
الـــــكـــــويـــــت




__________________