[علي عدنان الخزعلي]

الميلادك حضرنه مهدينه


شاركنه بفرحنه مهدينه


مهدينه مهدينه


*****


الكل اجه الليله يهني بروحه


يرسم وداده باحلى واجمل لوحه


كلمن اجه ياسيدي بجروحه


وانت الطبيب الي يسكن نوحه


ياعزنه وفخرنه حنينه


شاركنه بفرحنه مهدينه


******


يمته نشوف الخير احنه ابجالك


وتفتح علينه بطلعتك دلالك


يمته تحقق سيدي امالك


عيون العدل يبن النبي تبرالك


يامنقذ املنه نادينه


شاركنه بفرحنه مهدينه


******


صلي على المعبود طه واله


من كل نصف شعبان هل هلاله


كلمن حضر مولوده الف هنياله


بعين ابو صالح يالمحب تحلاله


يابشرة مهجنه اشتاكينه


شاركنه بفرحنه مهدينه


**********


هاي الشموع الي ضوت عشكانه


والياس والحنه بعد ولهانه


والورد انشد سيدي وي اغصانه


والكلب ظل يقره عطر قرئانه


يم جدك كصدنه وي احسينه


شاركنه ابفرحنه مهدينه


******


نقدم اجينه انعاهدك هلبيعه


نهجك ابد للموت لامنبيعه


انت الامام الخاتم بتشريعه


انت التردنه حقوق االشيعه


نشرحلك وضعنه تدرينه


شاركنه ابفرحنه مهدينه


*******


كلمات الشاعر


علي عدنان الخزعلي