[ثورة الحسين]

يوم الما اكتب لبو السجاد ** احس ذاك اليوم ضاع من عمري
واحس حته القلم وياي زعلان ** وما يرضه يتعلك ابجيب صدري
اني مثلك وعندي احساس ** ليش اتريد اتيبس بيه حبري
كتله الذنب مومني والله ** المرض كعدني والدمع يجري
صدك يوم الما اكتب لبو السجاد ** احس ايدي مشلوله ولساني يحجي
مو اني الجنت اوصيك واكلك ** اكتبلي اسم حسين ابوسط كبري
واليوم صرت اني الاوصيك ** روح يم كبر حسين ولحالي ادعي
والله حسين ميخيب اظنونك ** ويردك فرحان وترجعلي صحتي
واشبكك ابلهفه وضمك لجفي ** ولحسين نكتب ودموعنه تجري
اسف يا رسول الله ومنك اعتذر ** لان ماجبت طاريك بالاول وانته فخري
ارجوك سامحني واقبل مني العذر ** لان لوعة حسين ابكلبي تسري
ويوم الما اذكر فخر الكائنات ** احس ابروحي ارجعت كافر بربي
ولساني اذا ماجاب طاري الولي ** احاجي الروح منهو الغيره يشفعلي
واذا نسيت ولاتي المدفونه ابيثرب ** احس ابكبري امفلش ومسموح اسمي
واتعمدت مااجيب طاري المدينه ** معزولين عن جدهم وكبورهم تزهي
واذا ماازور الكاظم ويمه ادعي ** انادم روحي منهو للحاجات يقضي
من كثر صبرك سيدي سموك ** ونعشك فوك الجسر لليوم يضوي
واذا مااكتب للرضا غريب الطوس ** احس عايش ابوحشه وانه ابوسط اهلي
واذا مااحجي عن علم الجواد ** احس الدهر عشته وكبر سني
ورغم قلة اسنين عمره ** حارت اصحاب العقول ابعلمه اليزهي
ويوم الما اذكر علي الهادي ** احس ابروحي اطلعت من الوطن منفي
خافو من كثر طوفان علمه ** وخافو من نور سيفه اليسبي
واذا مااذكر امامي العسكري ** احس ابروحي وي السباع اللمهه بالوادي
والسجدتله اجلال وتعتذر منه ** وكل ضنهم تفترسه هاي الضواري
اسف وحيل اعتذر للزهره ** والله ماناسيج وحك ابوج النبي
ويوم اليمر وما انخاج يازهره ** احس ذاك اليوم مكسور ضلعي
اسف وحيل اعتذر يا عباس ** ما ناسيك والله يافخر الوصي
ويوم الما اذكر بيه الكمر ** احس ابجفي طاح من زندي
واريد اختم وي الحجه واكول ** عجل ظهورك والله نفذ صبري
من بعدكم صارت الانذال تحكم ** وبشيعتك ياسيدي زين تدري
ماترضه اتعيش امهانه وذل ** وتنتظر تنقذه ابسيفك يبن العسكري
ونبقه ننطر يوم الظهور ** ونصبر والصبر محمود يا ربي
وهاي شيعتك بالبحرين تنخاك ** وتدعي كل يوم تنقذه يبن الولي
ــــــــــــــــــــــــــــــــــــــــــــ
بقلمي خادم اهل البيت (ع)
(عبدالله الشاعر)