[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

صرخـــــــــة الشيعــــــــــه
ــــــــــــــــــــــــــــــــــــــــــــــــــ ـــــــــــــــ
حيدرْ ياحيدرْ ياحيدرْ == صرخة شيعه إو ما تِتْغَيّر
ــــــــــــــــــــــــــــــ
صرخةْ حق لازم يسمعها == كُل مُنصف واجب يتبعها
ضد الظُلاّم إو منبعها == صوت الله الكرار الأطهر
حيدرْ ياحيدرْ ياحيدرْ
ــــــ
صوت الله الكرار البيها == عالحقّ الواضح يهديها
ضد كل ظالم يحكم بيها == تنهي الأشرار إو تمحي الشر
حيدرْ ياحيدرْ ياحيدرْ
ــــــ
تنهي الأشرار الخوّانه == مَيْظَل خاين باع أوطانه
تِنْتَظره الغايب مولانه == وإتْمَهّد لليوم اليظهر
حيدرْ ياحيدرْ ياحيدرْ
ــــــ
وإتْمَهّد درب المشّايه == للحق تمشي إو ترفع رايه
صرخة خير إتْحَقّق غايه == غايتها الخير إو بي تجهر
حيدرْ ياحيدرْ ياحيدرْ
ـــــــ
غايتها الخير إو ما تِتْعَب == تمشي إمن الأصعب للأصعب
تحيي الدين إلبي يلعب == كل طاغي إو مجرم يِتْجَبّر
حيدرْ ياحيدرْ ياحيدرْ
ـــــــ
كل طاغوت إو مذموم إتدوسه == ما ينفع ظلمه إو لَــــفْلوســـه
والحُريّات المحبوسه == تطلقها الصرخه التِتْفَجّر
حيدرْ ياحيدرْ ياحيدرْ
ــــــــ
نطلقها الصرخه المبروكه == من كل شيعي إو تصبح شوكه
بعيون الظالم متروكه == تعميها إو يوكع يِتْكَسّر
حيدرْ ياحيدرْ ياحيدرْ
ــــــ
تعميها إعيون المايِنْصِف == حتّى الدم لوسال إو يِنْزِف
وإتْخَلّي المايرحم يِرْجِف == وإيموت إبخوفه إو يِتْسَمّر
حيدرْ ياحيدرْ ياحيدرْ
ــــــــــــــــــــــــــــــــــــــــــــــــــ ـــــــــــــــــــــ
مع تحيات شاعر اهل البيت / جابر النجفي
يمكنكم سماع طور القصيده بصوت خادم اهل البيت عليهم السلام
على الرابط التالي
http://www.wlidk.net/dldqu824903.mp3.html