[سيد مناف]

ردت الشــــــــــِِِِِِِِِِِِِِِِِِِِِِِِِِِِدة_شعر شعبي

علة هذا الـــــوطن دولاب يفـــتر دوم
وما يوم بمحطة عز وكــف مـــــــــدة

ولا شفنة النصر بس نـــاس تآكل نــاس
لجل كرسي الحكم والمــــال الي تبــدة

الطمع خلة الرذيل يسوي نفسة حسيـــن
بجذب يلـــبس عمــامة وقــشمر الـــودة

*****************************

الشهم مثل الحسين يصير رفعـــة راس
يصد وجــه الظــلم ما يـــوكف بـــسدة

الشهم حيدر علي المارضة بـــذل الناس
مو مثلك بعت كل واحــــــــــد بــــشدة

الوطن محتاج قائد ينشــــر الاســـــلام
ينام وية الفقير وعلتـــــرب خــــــــــدة

الوطن محتاج كل ذرة شـــرف بالناس
وانتة الشرف بعتة وصــــــادرت ودة

تردد كلا امريكا وخدعــــت النـــــاس
وانتة السهلت مشروعهــــة تـــــــعدة

ايدك بيد كلمن باع هــــاي الكـــــــاع
سيف الظـــالم الـــبركابنة ايـــحــــدة

امس ارض الوطن زلزلت من رديـت
وحسر ماي الفرات وما رضة يهـــدة

وامس كل اليتامة تصيح بأعلة الصوت
رد اليـــــتـــمانة (وردت الشــــــــــِِِِِِِِِِِِِِِِِِِِِِِِِِِِدة)

بقلم الزيادي