[Nakheel_Aliraq]

لو أسرح بعالَم خيال الروعه واتصور
واغفه عله كل صورة حِسِن وبفنها أتفكر
ألـﮕـاها مِنَّك ماخِذه كل روعه ياحيدر
لَنَّك تِمَلَّكت الْحِسِن يالصورتك تِسحر

سحر الوجود ابْهالصور .......... علي علي
**********

كلِّ الوجود ابسِحره أصبح هايِم ابْرَسْمك
وهاي العَوالِم عايشه وتترنَّم ابإسمك
ياأروع إنسان ابْجلاله الباري امْكرمَّك
ومِن ذات قُدسه ياعلي رب العُلا مْعَلْمَّك

عندك عِلم أُم السور .......... علي علي

**********

رب العرش ياحيدر ابْشخصك جعل نوره
وحُسن الكواكب من جَمالك ياعلي صوره
بْمُصْحف جَمالك ياعلي صار الْحُسُن سوره
إنته الْجلال إنته الْجمال اصله اودستوره

مِن ﭼـفك ايفيض الفخر .......... علي علي

**********

مَشْرِق جَمال الكون اوحُسْنَه بغُرة اجْبينك
ونبع الْمعالِي والفضل من راحة ايْدينك
وهاي الشَمِس لِبْسَت جلاله ابْلَمسة ايْمينك
ونور الـﮕـمر يعكس جَمال الروعه من عينك

حسنك على الدنيه ظهر .......... علي علي

**********

يابلسم الروح وحبيبي بْصحوتِي وحلْمي
بِسمك تفوح الدنيه مِسْك اوينجلي هَمِّي
يالْحُبك ايعيش ابدليلِي وساكن ابدمِّي
عالفطره حبيتك لَـﭽـن غذتني بِيْه أمي

حُب اويظل طول الدهر .......... علي علي

**********
تقبلوا التحيه
__________________
إنَـنِـي مِن رَحِـمِ التَكْـوينِ قـادِم

لأعِـيـش العُـمـرَ لِلزهـراءِ خــادم
000000000000 أعتذر لتأخري ... والعفو عند كرام الناس مقبولُ

س/ كيف ستعزي بقية الله في أرضه بوفاة والده؟؟

ج / أقول لسيدي الحجة بن الحسن كما خاطبته في إحدى المناسبات

سيدي ياأباصالح ..

أيام البُعُد يالْمهدي جرحتني
وبتفس الجرح ﭼـانوا يداووني

ماأدري البُعُد ...وين البُعُد وداك
ياﮔـاع التضمك ؟ مايدلونِي

يعز اعْلَيَّه يالغايب أشوف الناس
ولااشوفك عساها ترمد اعيونِي

يعز اعْلَيَّه ماسِمعن خفي صوتك
وانا سلون اسمع الوادم يحاﭼـونِي
عزيز اعْلَيَّه يالْمهدي ألف ياحيف

أعاين للهموم اتصوبك دونِي
عزيز اعْلَيَّه آنه لوﭼـنت محتاج
أناجي غيرك ولا ريد ينطونِي

ماأتورع ابنوحي لون أبـﭽـيك
وطَوْل االنوح وارد اللي يعينوني

وبالنسبه لقصيدة استشهاد الإمام الحسن العسكري عليه السلام

سأدرجها لك ...
ممتن لك أخي الكريم أبوعبدالله
__________________
إنَـنِـي مِن رَحِـمِ التَكْـوينِ قـادِم

لأعِـيـش العُـمـرَ لِلزهـراءِ خــادم

00000000000000000
أبوذيه :
سُواجي الْهم رُوَت دلالِي .....يوماي
وانا لدهري علَيَّه بضبم .....يوماي
دِنَى حيني وغدى هاليوم .....يوماي
وإلك يالْمهدي أذكر هالوصيه

**********
تـﮕـضي بالأكدار اسنينك ..... يالْمهدي يالْمهدي
وعالأحزان الباري يعينك ..... من بعدي من بعدي
وانته بوداعي اليوم ..... تِجرع هضم وهْموم ..... يالْمهدي يالْمهدي

يَروح الْمصطفى وابن الفتى الأنزع
إلك أرفع خطاب النايبه واسْمع
أنا عْودَك يَمهدي الأمه لاتِجزع
على حدود الأجل هالليله نتوادع
إنِشدك يبني تِصْبِر لاتِهِل مدمع
يلن من تِنحب اينوح الْملى الأرفع
هَيِّد ونَّـك لاتـتـألَـم .....يالْمهدي وتْصَبَّر
جدامك أحقاب امْن الْهم .....وعليها تتحسر
تبـﮕـه بـﮕـلب مالوم ..... تِجرع هضم وهْموم ..... يالْمهدي يالْمهدي

**********
يَمَن ثِـﮕـل الْجبال الراسيه صبرك
رعاك الله يَمن رب العُلا ايْذُخرك
الْحزن يبني بنى بيته بوسط صدرك
ولون تِجري الدمع دم يبني امْعَذرَك
تعيش الْهم تعيش الْمحنه من زغرك
ويلن باﭼـر تشوف الأدهى من دهرك

عشت الأحزان ابأيامي ..... وانته احْمَلِت هَمِّي
واكثر مني ﮔـلبك دامي ..... يالْجاوزت هضمي
وبيك القهر مرسوم ..... تِجرع هضم وهْموم ..... يالْمهدي يالْمهدي

**********
يناموس الجلاله وسرَّه الأعظم
شِفت هَمِّي بسواد اجفانك اتْجسم
الدهر يبني جزانِي بنايبات وغم
وتِواليها مُرد ﭼـبدي ورماه ابْسَم
الدهر ماأنصف ابآل النبي الأكرم
تريده بيك يَروح الْمصطفى يرحَم ؟
ﭼـبدي مِنِّ السَم متْـﮕـطعه ..... وانته لْتِون يبني
وبْجـفـنك دم تِجري الدمعه ..... وهَمك يصوبني
يالْبِلكِدر مفطوم ..... تِجرع هضم وهْموم ..... يالْمهدي يالْمهدي

يتبع