[KooMi]

بسم الله الرحمن الرحيم
السلام عليكم ورحمة الله وبركاته
اللهم صلي على محمد وآل محمد وعجل فرجهم الشريف

أما بعد
اشلونكم أخواني أخواتي ،
حبيت أشارككم ببعض الصور إلى التقطتها أختي أثناء رحلتي إلى مشهد المقدسه
على ساكنها أفضل الصلاة والسلام
الإمام علي بن موسى الرضا ( عليه السلام )

طبعاً رحلتنا كانت من
السبت 3/7/2010
إلى
السبت 10/7/2010
مع أمي وأختي ، وخالتي وبنتها ، وبنت خالتي ( بدون أمها )

حدنا استانسنا ،،
كانت رحلتنا مع إحدى الحملات الكويتيه ( حملة المسري ) ،،

نبديـ بسم الله الرحمن الرحيم

اليوم الأول
السبت 3/7/2010
توجهنا لمطار الكويت الدولي في الساعه 9 الصبح بتوقيت الكويت الحبيبه
وكان موعد إقلاع الطياره الإيرانية ( هما ) الساعه 11 الصبح
فقلنا مدام احنا ناطرين خل نشرب شيــ ، فــرحنا حق ستاربكس وشرينا صمون وفرابتشينو ( يعني ريوق ) :p



بعدين توجهنا للبوابه إلي المفروض تكون للطياره الإيرانيه ، بس انصدمنا انها للقاهره مو إيران >>> جان الحين احنا خايسين بالقاهره :p
فدورنا لما عرفنا إن البوابه مغيرينها وصارت
بوابه 20 بدال البوابه 23





وطبعاً الطياره الإيرانيه متأخره كالعاده ،،!!
ولكن وبعد عناء طويـــل دشينا الطياره وقعدنا
وحان موعد تناول وجبة الغداء ، وكانت الوجبه بسيـــطه والحمد لله



لاحظوا ان الخيار المخلل قاصينه نص مو كامل >> يمكن معاقبينا :p



وطبعاً كالعاده قاطينا عند جناح الطياره ، ما أدري ليش حظنا جذي
المهم وصلنا إيران ( مشهد المقدسه ) وضبطنا ساعاتنا انها تجدم ساعه ونص حسب توقيت إيران ،،
ووصلنا الفندق ( فندق أترك ) ،، ورحنا غرفنا ،، طبعاً كان حلوه وناعمه
بس هذي مو غرفتنا ،، هذي غرفة أختي وبنت خالتي >>> حسافه ما صورت غرفتنا





طبعا كل ثنتين بغرفه يعني عندنا 3 غرف

طبعاً أول ما وصلنا رحت غرفة أختي وبنت خالتي وما دشيت غرفتنا
فشفت معجون بنت خالتي الميني :p
طبعاً اللي تحت



لووووووول :p

يتبعــ