[عيمي كويتي]

هههههههههه

الصراحة ودي اسولف فققرت اسولفكم على رحلة كربلا

تذكرت ايام كربله فقلت اطلع الي شفته هناك
قعدنا هناك 8 ايام زرنا و تعبنا و خدمنا بس والله كانت رحله ماتقدر بثمن
ايام جميله كانت و شعب جدا طيب اخلاق و متواضعين بس فيه شي خلاني احس بغرابة بانه العالم كله قاعد يطالع فيني هههههههههه الناس هناك كلها تطالع فيني و و تخز هههههههههه شنو السبب ليحين ماعرفته ههههههه


اول ماطلعنا من مطار النجف رحنا نتغدى في مطعم ماشاء الله على الاكل رووعه الصراحة

بالاول سال شنو الطلب قلنا لهم عيش على حسب الكويتي عيش نبي ولا يقول شنو عيش

شفناه مافهم فقلنا انزين شنو عندك ولا يقول تمن قلت انا شنو تمن اخاف يطلع مو شي و انا حدي يوعان قلناله شنو ولا يقول تمن تمن هههههههههههههه

ويلا بالاخير فهمنا بانه التمن يعني عيش بالاعراقي بس ماشاء الله على الاكل مو طبيعي عندهم شغل اهل العراق بالاكلات الحلوه جاب حق كل واحد صينيه صغيرة و فيها ثلاث انواع تمن و اللحم على قد كف الايد و اكل هههههههههه
روعه الصراحة


و بعد ثلاث ساعات وصلنا الفندق ريحنا ووبعد ذالك على طوول الى الامام علي عليه السلام كان شي خيالي الامام احلا زياره كانت الامام علي توقف من بعيد و تشوف قبة الامام من بعيييد شي مو طبيعي

بعدين كل واحد من التعب ما مداه يغير الملابس قطينا نفسه على الافراش نمنا 7 اوادم الكادر بغرفة وحده
صحينا على صلاة الفجر رحنا بالصحن صلينا و بعدها رحنا الى مسيد الكووفه ماشاء الله كبير و فيه اخت العباس السيدة خديجة هاني بن عروة مسلم بن عقيل و ميثم التمار شوي بعيد
دخل مسجد الكوفه فيه ماشاء الله فوق 12 مقام

مقام ادم
مقام الخضر
مكان الي سفينة نوح طفحة
معجزت الامام علي
مكان الامام علي يقضي حوائج الناس
طبرت الامام علي
محراب الامام علي و غيره و غيره

و بعد ذالك صلين الظهر و الى كربلاااااااااا

طبعا وصلنا كربلا الساعه 12 بليل بعد الزحمه و الجيش يوقف باص و يمشي على راحته فضيعنا بعض احنا الكادر قطونا بكربلا ونقعد نفتر ندور على الفندق دخلنا على بقالة خوش ادمي طيب قالنا حياكم اذا ماعندكم مبيت بخدمتكم احنا
المهم على الاخير قدرنا نوصل الفندق وصلو الزوار و نقعد نشيل و نحط و نودي بالاخير الساعه 3 الفجر رحت اغتسلة و على طول زيارة مولاي اباعبدالله و العباس اخيييييييه رووعه والله لبييييييك يا حسين ههههههههه

و بعد فتره بكربلا قررنا بان نبدا موكب عبدالله الرضيع لخدمة الزوار عصاير لبن قيمه وزعنا على الزوار و الحمدلله


فيه بنت صغيرة جت لنا و قالت فيه لبلبيه ههههههههههه

فريت راسي ابي اخمن شنو لبلبيه هذي هههههههه ولا سالت صاحبنا شنو لبلبيه ( نخي طلع هذه بالكويتي نقوله نخي )


بس الصراحة يا هل العراق اختنا الشيراززية اختنا خادمة السيد الفالي عندكم خوش كعك هناك مو طبيعي مع جاي روعه هههههههههه

ولي ما يعرف شنو كعك الكعك اهو بقصم والي ما يعرف شنو بقصم اكتبه بقوقل و يطلعلك احلا كعك (:

عاد صارلي موقف غريب شوي

و انا قاعد اوزع عصير بالشارع ولد عمره 13 تقريبا سالني سؤال
ليش الكويتيين يكرهون العراقيين ههههههههه
صدمني هل سؤال
قلتله انا كويتي بدام اكره العراق ليش جاي العراق ؟؟؟؟؟ سكت الولد

بس الله يستر عليه عمره 13 سنه و جذي تفكيره

اما باجي اهل العراق الي تعرفت عليه طيبين والله اهل ذوق رفيع و اهل اخلاق ماشفتها لا بالكويت ولا مكان ثاني

وماشاء الله على المواكب الي جاية و رايحة على مدار 24 ساعه من البصره من القطيف من من البحرين من الكويت

اما عند الضريح مضارب مو طبيعي واحد يكفخني بوكس و الثاني يقط كل جسمه علي و الثالث يخنق ههههههه بس والله يستاهل الامام الواحد يتعب علشانه


اما بعد الاربعين عوار قلب بكربلا وحشه مو طبيعيه تصير بكربلا
العالم كله يطلع و يصير المكان فااضي يخف بشكل مو طبيعي فكان وحشه بليل تعودنا نسمع القصايد و نسمع السيد جاسم الكربلائي ينعي بكل مكان نسمع خووووووووويه على صوت السيد الله يحفظه بس مره وحده كلشي ينقطع

و بعد ذالك رجعنا الى بلدتنا العزيزه الكويت

طولنا عليكم و انشاء الله تتقبلون الي كتبته
و انشاء الله تدعولي لانه
بشعبان لازم اروح هناك لاااااازم اروح هناك 11 يوم انشاء الله بكربلا العزيزه و باهل الخير اهل العراق الطيبين الله يحفظهم


يلا ادعولي بعد ساعتين يبدي دوامي (:

واسفين على الاطاله