[قوافي الأيثار]

نوح ياﮔلبي وتفجّر يا جفن = وهِيجالمدمع عله مصاب الحسن


--------

ياعمود الدين يا طود الحلم = يلي شخصك منوصف بحر الكرم

يالحسن واشلون ﭼبدك ينثلم = وانته نبراس الفخر محيي السنن

--------
يالحسن هاليوم هاي مصيبتك = الهه ضجت بالحزن كل شيعتك
واليفت بحشاي والله جنازتك = تنرمي بنبل الضغاين والإحن
--------
ﭼني لك متعني الحسين الذبيح = والمدامع فوﮓ وجناته تسيح
آه يبن امي عليك انحب واصيح = حزني لا ما ينـﮕضي طول الزمن
--------
آه ياﮔرة عيون امي البتول = ويا شبيه المصطفى جدي الرسول
هظمي بعدك يالحسن خويه يطول = والمدامع سلوتي يالمؤتمن
--------
ادري ابن سفيان دبر هالامر = افنون عدهم هالمكايد والغدر
هذا انته اﮔضيت بالسم العمر = وباﭼر لنحري المواضي يـﮕطعن
--------
العيش عـﮕبك يالحسن لاما يطيب = يا غريب وآنه مثلك هم غريب
الك بالدلال نيـــــــــــــران النحيب = تستعر وضلوعي منها اتوجرن
--------
بت الاشعث جعده يوم السمته = وفجرت نبع الخيانه وغدرته
يتمت والله حتما شيــــــــــعته = وعله فــﮕده ضلت الشيعه توّن
--------
هذا اول فرع من دوح المجد = وهذا جبرائيل بفضاله شهد
باب رحمه وفاز كلمن ليه ﮔصد = والحسن معروف منداح المنن
--------

صار ميعاد الحزن سابع صفر = نذكر الي صار هاليوم وسدر

بيهفـﮕد المجتبى تاج الفخر = ولاجلهواجب ننصب اليوم الحزن


--------

نواسي للزهره الزﭼيه فاطمه = ولعلي الكرار حماي الحمه

نلطم عله الهام ونسيل الدمه = ونلعن اليوم الهدم ﮔبر الحسن

--------

عمار جبار خضير