[زكي الياسري]

اعلان الى كافة الشعراء عامة وشعراء العراق خاصة
تعلن رابطة الشعراء الحقيقين للشعر عن حاجتها الى شعراء تتوفر فيهم الشروط التالية
**************************
انريد شاعر مومهم اسمه وهويته
ولامهم عنوان بيته ومو شرط يحمل شهاده
بس شرط يحمل قضية
انريد شاعر من يحب (ابن الملوح)
لجن لو شاف الوطن طايح ابشده
ايعوف ليلى العامريـــــــة
انريد شاعر يوم يكتبله قصيده احروفه تتطلع من وريده
يعني من كطرات دمه يصوغ احرف ابجدية
انريد شاعر يكتب الكلمه ابضميره
وكل قلم ما لزم جفه ولا تكول اشلون يكتب
لان سبع الكنطره كطعوها جفه
وّكتب انشودة وفه بالغاضرية
نريد شاعر من يوّصف اجبال زاخو
يخص نخلاتج يبصره ابوبذية
يعني شاعر مايئد الطائفية
نريد شاعرنلكه بشعاره اليتامه اغلبية
نريد شاعر ماعرف معنى التقية
ولالبس ثوب التقية
حتى لو شاهد شمر يضربله زينب ما يكول انه اشعلية
نريد شاعر بيه حمية مو فقط بس شاعرية
نريد شاعر لم ولن يمدحله حاكم
عمي شاعرنه النريده للرعية

بقلم: الرائع

حسين طالب السماوي

تحياتي و امنياتي الخالصه

</i>