زنجيل ولطم ..... شعر-0 ام هدى الخزاعي
_______________________________________________
زنجيل ولطم لبيك يحسين ...... صوت اتردده أجموع الملايين
صرخه وتبقى للدوم
كلنا ننادي مظلوم
ثوره تهدد عروش الملاعين ..... زنجيل ولطم لبيك يحسين
..._..._..._..._...
زنجيل ولطم وننادي بالصوت ... ثورتنه ابعقيدة وتبقى للموت
مر شكد علينا ووكع طاغوت ... بس اسمك يظل يامنقذ الدين
..._..._..._..._...
بس اسمك وسام اتشيله الأبطال ... ياروح العقيدة الخرجت اجيال
يازلزال هزالدنيامن صال ... زاح الظلم كله واحنه باقين
..._..._..._..._...
باقين بعقيدة ونرفع اشعار .... دربك مانعوفه ونبقى أحرار
لو زاد الظلم نزداد اصرار .... من صبرك صبرنا وصرنا صلبين
..._..._..._..._...
صلبين بتحدي وننتهج بيك .... ماهمنا اليفجر كلنه نفديك
كلنا بصوت يرهب گلنه لبيك .... يهتفها الگلب والروح والعين
..._..._..._..._...
العين اتصيرموكب بسمك اتصيح .... لوسمعت يغالي ابأسمك اتطيح
صرحت عالدهرمولاي تصريح .... هيهات أعله دربك كلنه ماشين
..._..._..._..._...
ماشين ابعقيده ونلطم الهام .... وشموع المآتم تضوي كل عام
صوت حسين بينه وصوت الاسلام ... صوت الله اكبر يامسلمين
..._..._..._..._...
صوت الله أكبر ويه الانفاس ... وي دك الصدر واللطمه عالراس
واسي حسين بيها ابراس عباس ... من صابه العمد والراس نصين
..._..._..._..._...
نلطم عالصدر جي صدرك انصاب .... لمصابك بقينه انعيش المصاب
والشيعه تهيل ابعاشر اتراب ... جي خدك تترب بالمياديين
..._..._..._..._...
ملبسنه الدمع والحزن الاثياب ....لن جرحك جرح للساعه ماطاب
يالراسك تخضب باعظم اخضاب ..... تسودنه بسواد وبي محزنين
..._..._..._..._...
ذوله احنه وفعلنه ونبقى لانصار ....حب احسين دمنه وبالكلب دار
ماهمنه اليكول الكالو اكثار .... نرجمهم رجم صوت الشياطين
..._..._..._..._...
فكرتنه العقيده وخطها لدموم .... مرسومه برسم من طفه لليوم
نمشي اعلى الخطر ماهمنه محتوم ....فخر النا نكون بحبه ميتين
--------------------------------------------
ام هدى الخزاعي