عرض مشاركة واحدة

الصورة الرمزية عاشقة_السيد_القبانجي
عاشقة_السيد_القبانجي
عضو برونزي
رقم العضوية : 44816
الإنتساب : Nov 2009
المشاركات : 1,210
بمعدل : 0.21 يوميا

عاشقة_السيد_القبانجي غير متصل

 عرض البوم صور عاشقة_السيد_القبانجي

  مشاركة رقم : 1  
المنتدى : المنتدى الثقافي
افتراضي قصيدة:حسيني وافتخر
قديم بتاريخ : 19-12-2009 الساعة : 12:05 PM


قصيدة:حسيني وافتخر
الشاعر:عمر فاروق البدرائي

القصيده قالها الرادود في حسنية آل بوحمد 1430هـ


حسيني وافتخر كوني حسيني ... حسيني
حسيني منهجي ومنهاج ديني ... حسيني
رغم قسوة زماني ... عشكَت احسين آني
حسيني... حسيني
***
أنه الكل يوم والدمع ايْتهالـه ... على مصابه ومِحِنته
أنـوح واذكر لظعن الرسالـه ... مِنِ ابدايـة رحِلْتـه
محرّم بالسمه امن انظر هلاله ... يعذّبنـي بطلِعـتـه
أهيم وأذكـر اسهـامه ونباله ... عسـن لا يوم شفته
محرّم عايش ابروحي ودليلي ... محرّم
محرّم حزنه بي يسعر غليلي ... محرم
سهم حزنه رماني ... عشكَت حسين آني
حسيني.... حسيني
***
تتبّعت لزهـير وعـابس وجـون ... وحبيب ابـن مظاهر
عشكَت حسين آني بحبّه مجنـون ... عشكَـ باطن وظاهر
رغـم كيد العـواذل واليضـدّون ... أظـل ابحبّـه جاهر
وخَلْ يسمعني كل واحد ابهالكـون ... لظـل بدربـه ساير
حياتي فدوه لحْسين ومَحَبْته ... حياتي
حياتي كلهه أفنيهـا بخِدِمْته ... حياتي
العشكَـ بالطف ولاني ... عشكَت حسين آني

حسيني.... حسيني
***
حُسَين شـمـا قسـت أيّـامي بيّه ... يـزود بكَلبي عشكَه
الكَلب بمْحبّـتـه وبرضـه الزجيّه ... يظـل للموت يبكَه
ألكَلب لـو هـام بـرض الغاضريّه ... يخـي والله حكَّـه
أرض ضمّـت أجـل وازكـه البريّه ... مثلهـا ويـن ألكَه
عساني الموت ياخذني بمحبته ... عساني
عساني أندفـن آنـي بتربته ... عساني
أنه بكَلبي ولساني ... عشكَت حسين أني
حسيني.... حسيني
***
حسين الضحّه بوْلاده وبنينـه ... لجـل شرع الرساله
فده الدنيا وبنه بدم نحـره دينه ... وهدم عرش الضلاله
رفض ذلّ الحياة وشوفه وينه ! ... صـرح شامخ تعاله
تظن نكَدر نجازي بلطم ادينـه ... لمثل شخصه وجلاله
يريدك ترفض الذل يا موالي ... يريدك
يريدك دوم راسك يبقه عالي ... يريدك
يمـن يهتف إجاني ... عشكَت حسين آني

حسيني....حسيني


توقيع : عاشقة_السيد_القبانجي
وددتُ لو أن الطريق لكربلاء من مولدي سيراً لحيـن مماتي
لأنادِ في يوم الحساب تفاخراً أفنيتُ في حب الحُسين حياتي



من مواضيع : عاشقة_السيد_القبانجي 0 دعااء التوسل بالإمام الحسين عليه السلام ..,
0 قلب مغلق للصيانة ..!!
0 اشياء نسويها ونعرف ما منها فائده
0 من دعا بهذا الدعاء استجاب الله له
0 اسئلة يجب علئ كل شيعي معرفته
رد مع اقتباس