[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

تناديـــــك المــــــــــاي
ــــــــــــــــــــــــــــــــــــــــــــــــــ ـــ
عباس ياحامينه == إنهضْ يخويه إروينه
بسمك تنادي الاطفال == حر العطش منها نال
إنهضْ يخويه إروينه
ـــــــــــــــــــــــــــــــــــــــــــــــــ
عباس أطفالك تناديك الماي == وينه يعمنه ياشهم ياوفّاي
واني يخويه النار تحرق بحشاي == ما أقدر أنطق راح منّه الحمّاي
روحي عليك إبآلام == يَلْلي فديت الاسلام
وإحسين تجري عينه == إنهض يخويه إروينه
ـــــــــــــ
عباس هاي العايله والأيتام == عنّك ينشدوني إو أقولن مانام
عمكم يجيب الماي راح الضرغام == رافع لواءه لا أبد ما ينضام
وإنتَ يخويه عالكاع == مات الامل بيك إو ضاع
يَمّي تنادي إسكينه == إنهضْ يعمي إروينه
ـــــــــــــ
عباس من بعدك يخويه الآهات == مُرْدَتْ دليلي والأمل بيكم مات
آذَتْني من كثر العطاشى الاصوات == أصوات أطفالك يقاضي الشدات
كلها تناديك الماي == ظلّيت خويه إبلواي
ويّاهم أنده وينه == إنهضْ يخويه إروينه
ـــــــــــــــ
عباس فقدك هالكسر ظهر إحسين == ياصاحب الرايه إو عميد الطيبين
وسفه يخويه إعلى الثره إو صابك بين == قطعوا كفوفك والسهم صاب العين
ياسلوتي نورك راح == جودك نضح مايه إو طاح
ولفقدك إنْهَدّينَه == إنهضْ يخويه إروينه
ـــــــــــــ
عباس هاذي رايتك يامغوار == فوق الثره تندب تنادي الكرار
هذا البطل ياحيدره إبنهجك سار == مثلك يحيدر من وفيت المختار
أوفه السبط يابو إحسين == روحه فداها للدين
أوفه إبن هادينه == إنهضْ يخويه إروينه
ــــــــــــــــــــــــــــــــــــــــــــــــــ ــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود ابو كرار العراقي
على الرابط التالي
http://www.wlidk.net/dldZkz21102.mp3.html