[عيمي كويتي]

سلام عليكم

اول شي اشكرج خالتي على هل موضوع

الاشياء السلبية بالاحسينيات

الاشياء وايد الصراحة

بعضهم الصاحة مو كفو يدخلون الاحسينية من الاشياء يسونها


اول شي الكلام

الكلام في الاحسينية الي انا اروحها و بالاخص الي يخدمون الحسين هناك

كلام بذيء كل يوم ينسمع هناك و هل شي مو هين بانك تشتم الناس بالاحسينية و غيره من التصرفات الي ماتلوق بالاحسينية كالتدخين

يعني مثل واحد جاي يطلب اكل قالو له روح تعال بعدين لانه الي كان يزوع الاكل مشغول هذاك زعل و معروف انه لو شنو يصير لاتزعل احد بالاحسينية لانها مو هينا للامام الحسين

المهم لمن زعل و طلع هذه الريال قال صكرو الباب علشان هيج اشكال ما تدخل

و فيه الكثير من الكلام اذا بذكره ماراح نخلص


سنة الي طافت بيوم العاشر محرم عاشوراء الاحسينية كان شكلها قهوة مو حسينية من سجاير
داخل المجلس اشوف بطل ماي متروس زجاير بالممر سجاير ماصارت حسينية هذي


و فيه بعض الناس يسون شي غلط و هو التطبير لاظهار القوة

فيه شباب يطبرون علشان يشوفونه الناس قوي

حادثة كانت جدام صديق واحد اخذ سكينة و قال تتحدى شكذر اضرب فيها راسي ؟

مثل ماقال واحد من الربع لو الامام المهدي يطلع ابي اشوف جم واحد من الي يطبرون ياخذون هل قامة و يطلعون معاه


و فيه بعد الواسطة بالاحسينية في اوقات توزيع الاكل و الخدمة ربعهم يقبلون فيهم و الي يعرفونهم يمشونه بعيد


و فيه الاشياء الي قلت الي يسويها مو كفو يدخل الاحسينية

استغفر الله فيه بعض البنات و الشباب يتعارفون بالاحسينية وفيه بعض الشباب يترسون عيونهم حرام و هو جدام الاحسينية واقف
و فيه بعض الناس يتواعدون

فيه اشياء ماتنقال

الله الساتر




شكلي طولت و انا قاعد اطلع الاغلاط


علشانج خالتي

بشوف الي كتبته مره ثانية علشان اشيل الاخطاء

تحياتي اخوكم عيمي كويتي