منتديات أنا شيعـي العالمية - يمهدي يمهدي جرد على الكَوم بتارك

القصيدة تقرأ على وزن (الهي بأسمك الاعظم او اسراره للرادود باسم الكربلائي)
.
.
.

يمهدي يمهدي جرد على الكَوم بتارك*** يمهدي يمهدي ما تهب اوتاخذ ابثارك

ابهضم طيحوا جنيني *** ابحقد سطروها عيني

يمهدي يمهدي ما تهب اوتاخذ ابثارك

وينك يالغبت عن هاي الأنظار*** العلم لوّح رفيفه

أمك وأندبت من شبوا النار *** العمر بين خريفه

حقدهم بالصدر غرز البسمار *** ابدمه حدر نزيفه

وينك ماتهب اوتاخذ الثار *** من أهل السقيفه

علجيتك علجيتك بالدروب أتناطر أنظاري** يعجل يعجلي ابظهورك أسأل الباري

أما تسمع أنيني ***ابهضم طيحوا جنيني

************************

يراحل بالمنازل ضر الغياب *** كَوم أنظر طللها

من توصل الداري اتشوف العتّاب ***أبدمع تسفح مقلّها

تخبرك وينه عهدك يبن الأطياب ***وسيوفك تسلّها

لكن لو صرت يم عتبت الباب*** غزيرة أدموع هلها

علبابي علبابي لو تصد وأتشوف بسمار***يمهدي يمهدي ابنص دليلك يشعل النار

يثمرة كل بنيني *** ابهضم طيحوا جنيني
*******************

يناشر للعدل راية الرحمن*** الظلم يمته أجتثاثه

ياثار الحسين المات عطشان*** نهب أصبح تراثه

شاف من الطغاة اشكال والوان*** انحرث كَبره حراثه

تراثك والحكم عد بني سفيان*** لهم أصبح وراثه

يوارث يوارث بالفخر أمجاد فقارك***يمهدي يمهدي وهالنواصب فجروا دارك

نسل ذاك اللعينِ*** ابهضم طيحوا جنيني

*********************************

زماني وي الهضم راواني أهوال*** يصابحني او يماسي

لون هم العليّه ايطول الأجبال *** تنهد الرواسي

لو لأيام حزني تصبح ألليال ***مثل ما انه قاسي

وينك يالغبت يبني السفر طال *** محال أتكون ناسي

الرجوعك الرجوعك بالضماير فيض الأشواق***يراحل يراحل والصبر من غيبتك ضاق

بحر طافح حنيني ***ابهضم طيحوا جنيني

*********************

ياعشرين عمري الما شفت بيه***عمر باكَوا ربيعه

رحل مني الرسول وجيت اوافيه***طحت بعده صريعه

كَعد يم راسي حيدر وانه وصيه***الكَبر مني تضيعّه

ويله الي ظلمني ومن ينجيه*** وانه أهناك الشفيعه

وصيتي وصيتي هالجسد لمن تجي اتشيعه***يوالي يوالي والكَبر بجفوفك أتضيعه

لمّه المهدي يجيني ***ابهضم طيحوا جنيني

.
.
.
.

الشاعر/مازن الشطري