منتديات أنا شيعـي العالمية - من روائع الشاعرالعراقي والحياوي والمبدع ناظم الحاشي قصيدة سامحتك

((سامحــــــتك))
من روائع الشاعر المبدع ناظم الحاشي

ياعمر الفراشه ...
البربيعينه يضيع...
مجبور العمر وياك ضيعته...

كلبي اعله العشك..
مارهم بيه مفتاح...
مفتاحك عليه شلون رهمته..

شعره البالعقل..
عتيتها امن سنين...
الجانت للعقل وياك لازمته...

معذور اليحبك...
لو كفر يهواك..
اولو حبك نبي ...هم جان كفرته

بلبل عالغصن كلبي ...
وشمرته حجار...
ومكسور الجنح...للكاع طيحته..

خليته بقفص ....
وتعرفه ياكل تين...
جاع وخبز يابس ....كمت وكلته ...

واتعلم عليك...
وكام من يطير....
يرجع للقفص ...ملهوف علمته..

و من عاشرت ذيب ...
وكالك جوعان ...
وجبه البلبل ...المسكين قدمته...

ورحت تصيد ثاني ...
بكل وكاحه عين ...
والاول بالقفص ...منصوبه فاتحته...

كفيت العتب...
ما عتبك عالصار..
وشيفيد النفخ ....بالنار حاركته!!

يا حلم الطفوله ...
الصرخ بذنه الشوك..
عاف اهل الوفه....اوصدكك من صحته..

حب رباني احبك...
مكتفي الغايات...
وشيطانك دعاني ...وما رحت شفته...

يا اول نهر ...
يحترك بالتاريخ ...
طلعت ريحته...وما يوم جذبته ...

وانته اول ضمير ...
بنص مزاد انباع...
واول حلك ...ياكل لحم خاصرته...

سامحتك رغم ...
كل الصفات البيك ...
يا أول (شمر)بالكون سامحته

http://www.alasad.net/card/images/small/43.gif
http://img174.imageshack.us/img174/6...02989a60ph.gif