|
ثورة ذات
ثورة ذات اختلف رسم الوضع واحتارت الناس وصفه كل شي غريب اسمه ثقافه حچه لسان السكوت ابموت الحروف وعلى ارمام العدل علّه انحرافه الوفه قل اعتماده .. ابذات الارذال لبس ثوب الخيانة وذب عفافه انگلب شوف الضماير وانگلب بيه وزن ميل الامور الحگه عافه گبل نبع الكرامة اتوارده الناس وهسه اتناسته وخيّم جفافه گبل راهي الصواب وهسه مضمور عزه ابچف الغلط صاير زفافه چف الخير گصّر ما يفض صار وعلى باب البخل صك باصطفافه يبس بحر الاماني الشال الايتام ابربيع احلامها الواسد ضفافه وذبح حس الليالي اجفون الاحلام التناطر من يجن يلفي ابترافه يدگ وي الخطى ناقوس الاخطار يريد الحق يفض ليل اعتكافه يريد خيوط شمسه اتسدّي عالگاع ومنّه المجتمع ياخذ كفافه حال الناس مركب راعبه الموج يعبره اشلون من دون الجدافه گصّت حيلها البيها انتخه الحيل ولف الشر گصصها اوي ائتلافه (*) كلافه الخير صاير ماله شيّال حگ الناس تگضي ابهـ الكلافه لان مايل دربها وجدّت الشين بيها يصير حادي ويا حسافه __________________ (*) ائتلافه : لا تشير الى اي معنى او توجه سياسي احمد العتابي العراقي |
قصيده جميله وفقكم الله |
سلمت صاحب الذوق والابداع الشاعراحمد العراقي على كل حرف خطته اناملكم الكريمه |
تحيه صادقه الى كل حرف في قصيدتك الرائعه يا شاعرنا العزيز احمد العتابي لا حرمنا الله هذا العطاء |
الاجمل مروركم اختي الكريمة لمار شكرا جزيلا لكم ولاعدمناكم ان شاء الله تحياتي |
اختي الفاضلة غزل السلامي ممتن كثيرا لتواجدكم العبق لاحرمنا الله تعالى شرف مروركم دائما وحفظكم من كل مكروه ووفقكم لكل خير تحياتي لكم |
مولاي العزيز زكي الياسري حياك الله تعالى في هذه المشاركة البسيطة شكرا جزيلا لك لطيب وشرف الحضور هنا اسال الله تعالى لك الحفظ والتوفيق الدائم تحياتي واحترامي لك |
جميل تطوع الحرف لبنان الكاتب
وجميل ان يصل غايته وجميل ان تجد من يفهمه سيدي الكريم هنا حيث ترسي المراسي وتجد للذات واطراقتها عنواناً تجد احمد العراقي كن بخير دائما |
يسلمووووووووو
|
السلام عليكم اختي الكريمة شموخ كربلاء لتواجدكم رونق جميل تزدهي به كلماتي ولمروركم عطر تفوح به ثنايا صفحتي البسيطة ممتن كثيرا لكم مع خالص تقديري وجزيل شكري لحضرتكم لا حرمنا الله تعالى تواصلكم دائما ودمتم ببركات محمد واله الاطياب الميامين تحياتي |
| الشبكة: أحد مواقع المجموعة الشيعية للإعلام الساعة الآن: 07:20 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025