فصيده شعبيه رثاء الامام الحسن(ع)
 

قصيده مشتركه بين الشاعر المرحوم الحاج هاشم فليح والشاعر عادل صبير
علوم الشوم هالليله وفتنه
ومصابك بينه حيل اثر وفتنه
كبل يومك عسه تكرب وفتنه
يبو محمد ولا هاي الرزيه

هدمت حيلي بونتك يلولي وحزني بدليلي اعليك ماينجلي
من شفت جبدك بالطشت يالحسن
حسراتي بكلبي احس كطعن
عنك يبن حيدر فركني الزمن
وبنار جبدي الفركتك ينصلي


مصابك صعب كسّر قيود الصبر
او موش بدمع ابجي عليك بجمر
عكبك عسن لاطال خويه العمر
ياريع كلبي ومهجتي وكل هلي

بفكدك تلملم عالكلب هالقهر
وياعظم يومك احنى مني الظهر
ينكطع عمري ولايمرني صفر
ودونك عساه السم تنكع الي

ردتك ذخر للموزمه بكربله
ردتك تنشف دمعتي السايله
ردتك تصير العون للعايله
من ابكه وحيده بغربتي وانولي

منفجع بيك اليوم كل هاشمي
ويهل مصاب من الدمع منعمي
انهدم حصنه الجان بيه محتمي
ينادي يسوري وياعمد منزلي

حان القدر يفرك جمع هالشمل
وفرك الحسين اويه الحسن مو سهل
حكها المدامع عالوجن دم تهل
والله شعظم يومك يضنوة علي

بصرخة حزن انده لجن ماترد
جبدي فده لجبدك عسه وينمرد
منهدم حيلي من عظم هالدرد
وكلبي المصابك بالحزن ممتلي

قصايد مشجية تسلم الايد اللي كتبتها ويسلم اللي حطها في المنتدى
اختك ام باسم

رد
 

جزاك الله خيراّ


تسلم اخي لمار