|
اربعينية الاحرار
اربعينية الاحرار بالاربعين اجينه يابو الاحرار انجدد البيعة اعلى خطك ثوار ****** نمشي ولايهمنه التعب يامظلوم ماننسى صوتك يافخرنا للدوم صوت ال سحك كل ظالم الهذا اليوم لمن صحت الموت اولى من العار ******* لمن صحت كلا لظلم الطغيان وانطيت لاجل الدين اعظم قربان ضحيت باهلك والصحب والاخوان لاجل الرسالة اليوم صار اللي صار ********* الما عرف حقك عليه اللعنة والشايعك فاز ابنعيم الجنة واللي نهل من كربلا وتحنة يوم الحشر لا ما تمس جسمه النار ********* يحسين اسمع هذا صوت ابلادي بسمك تظل كل الكلوب اتنادي مقياس حبك لليحب الهادي ليل الظلم بمحبتك صار انهار ********** شيعة او كصدنة الكربلا وبلهفه ميمنا ارهاب العدا او لا قصفة واضح طريق احسين كلها اتعرفه ابرجليها للموت اعتنت هالزوار *********** شنهو التعب ياسيدي او يمنعنه نمشي الضريحك هل صبح موطنه منه الشهادة والابا اتعلمنه وعرفنه معنى الثورة ضد الاشرار ************* اتعلمنا من عندك درس ما ننساه بالدنيا ماتبقى ابتسامه او لا آه يتخلد اللي بالدما نهجه افداه والما خضع لامر الظلم مهما جار ************** والما خضع لامر الظلم والطاغوت وبياوضع ميهمه لو جاه الموت مادام نيته الباري عل الجمر ايفوت ماترهبه اجيوش العدا والاسوار ********* ماترهبه العبوات لو فجروها يمه او شرايينه وذر خلوها كل الطرق ويانه جربتوها منعوفه درب احسين لو مهما صار *********** ملاحظة: هذه القصيدة مخصصة للماشين الى ضريح الحسين عليه السلام الله يحفظهم من كل شر.. بقلم خادم خدام الحسين منتصر العذاري |
الما عرف حقك عليه اللعنة والشايعك فاز ابنعيم الجنة واللي نهل من كربلا وتحنة يوم الحشر لا ما تمس جسمه النار أخي الكريم سلمت يمينكم بما خطت تقبل تحيتي |
تسلم يمينك ياخوي على هالقصيدة
وننتظر جديدك اختك ام باسم |
| الشبكة: أحد مواقع المجموعة الشيعية للإعلام الساعة الآن: 10:10 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025