|
موشح للحسين الشهيد عليه السلام
السلام عليك يا ابا عبد الله وا حسيناً وا حسيناً وا حسينْ يا حسين الغيم لجـــلك صب دمه وبجتلتك حضرت امـــــك فاطمه **1** يبــــن حيدر لجلك الدنيه امطرت بظهر عاشور ابدمع احمر جرت يبو اليمه و جمرة امصابك سرت لعنة الله اعله السيوف الصارمه وا حسيناً وا حسيناً وا حسينْ **2** يا حسين الدهر بيكم وشعمل اعمى يمشي بالطفوف ابلا خجل دار دوره وسلم ازمامه ابجهل للشمر من حز وريدك وانعمه وا حسيناً وا حسيناً وا حسينْ **3** يا سبط ياسين يا عِدل الكتاب شكال كلبك سيدي بذاك المصاب يا عذاب الشفته اصعب يا عذاب ويا فجيعه الآلــَمَتْ حامي الحمه وا حسيناً وا حسيناً وا حسينْ **4** يا حبيب المرتضى و سبط الرسول يا سند للمجتبه و حلم البتول سيدي ابيومك نناشدهه اشتكول يالكَضيت ابكربله ابحر الضمه وا حسيناً وا حسيناً وا حسينْ **5** سيدي ننخاك كيف الفاجعه من شفت عباس يم المشرعه يــمه يا ويلي الجفوف امكطعه وانكسر ضهرك يــَضنوة فاطمه وا حسيناً وا حسيناً وا حسينْ |
| الشبكة: أحد مواقع المجموعة الشيعية للإعلام الساعة الآن: 02:54 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025