منتديات أنا شيعـي العالمية - مواويل للشاعر هاشم فليح الشطري

قال شاعر الشطره المرحوم الحاج هاشم فليح حسن
يالايمي لاتلم دعني وسل جاري
عني وتعرف السبب شنهو سبب جوري
بحسين هذا الجره عله اسلام ماجاري
سيوف سبعين الف كلها عليه تنسال
وتلوم عيني لمصابه لو غدت تنسال
نهر الفرات العذر شنهو لمن تنسال
حسين ضامي عطش والماي بك جاري

حسين كلبي غده عنه الفرح مايله
واصده لمصابه صده مد العمر مايله
الغير جفه يرد لا ما يرد مايله
بجفه رده ولعد اهل الضلاله نهر
ضعف حيله والكوه منه نهر
عالفرات اعتب واكله يانهر
وكع يمك ماتوصل مايله

يالايمي مابعد دهري الدليلي يسر
الهم لفاه والفرح عنه تنحه ويسر
اعيال حامي الحمه للشام يرحن يسر
جاوين اهلهن غدو ياكربله جاوين
الجانوا لعند العده بنار الغضا جاوين
كالتلي بحسين كلبك لو دره جا ون
ارنب عله الليث سل سيفه يهذا ويسر

رحم الله من قرا الفاتحه للشاعر مع الصلوات
اللهم صل على محمد وال محمد